काठमाडौं ।
जापानको सुजुकी मोटरले आफ्नो भारतीय सहायक कम्पनी मारुती सुजुकीको गुजरात प्लान्टमा बनेको ईभी २०२५ देखि जापानमा निर्यात गर्न सुरु गर्ने निक्की दैनिकले बुधबार रिपोर्ट गरेको छ।
भारतलाई आफ्नो ग्लोबल इलेक्ट्रिक कार निर्माण हब बनाउनको लागि, सुजुकीले युरोपेली बजारहरूको लागि साझेदार टोयोटा मोटरलाई भारतमा निर्मित ईभीहरू आपूर्ति गर्ने विचार पनि गर्ने निक्कीले उल्लेख गरेको छ।
‘सुजुकीले २०२५ सम्ममा भारतमा बनेका ईभीहरू जापानमा निर्यात गर्नेछ। सुजुकीले युरोपमा पनि आफ्नै ब्रान्ड अन्तर्गत बेच्ने योजना बनाएको छ र यसले आफ्नो जापानी समकक्षसँग गठन गरेको साझेदारी अन्तर्गत महाद्वीपमा बिक्रीको लागि टोयोटा मोटरलाई आपूर्ति गर्ने विचार गरिरहेको छ। “यदि सुजुकीले टोयोटालाई आपूर्ति गर्ने निर्णय गर्छ भने, ती ईभीहरू टोयोटा ब्रान्ड अन्तर्गत बेचिनेछ,’ रिपोर्टमा भनिएको छ।
गत वर्ष, जापानी कार निर्माताले भारतमा ईभी र बीईभी ब्याट्री उत्पादन गर्न १० हजार ४४० करोड भारु लगानी गर्ने घोषणा गरेको थियो।
यसमध्ये, ३ हजार १०० करोड भारु २०२५ मा सुजुकी मोटर गुजरातमा विद्युतीय सवारी साधनहरूको उत्पादन क्षमता बढाउन, ७ हजार ३०० करोड भारु २०२६ मा विद्युतीय सवारीका ब्याट्रीहरू उत्पादन गर्ने प्लान्ट स्थापना गर्न लगानी गरिनेछ। बाँकी रकम २०२५मा मारुती सुजुकी टोयोत्सुद्वारा वाहन रिसाइक्लिंग प्लान्ट स्थापना गर्न प्रयोग गरिने इकोनोमीटाइम्सले पहिले रिपोर्ट गरेको थियो।
प्रकाशित: २ कार्तिक २०८०, बिहीबार
