काठमाडौं ।
अमेरिकाले चीनलाई चिप निर्यातमा नयाँ प्रतिबन्ध लगाउन खोजेकाे छ।बाइडेन प्रशासनले चीनमा चिप निर्यात रोक्नका लागि पहिले कालोसूचीमा नपरेका कम्पनिहरुलाई पनि नयाँ प्रतिबन्धहरू लागू गर्न खोजिरहेको रोयटर्सको नयाँ रिपोर्टमा उल्लेख छ।
प्रतिबन्धको नयाँ चरणमा एआई चिप्स मुख्य लक्ष्य हुने एक अज्ञात अमेरिकी अधिकारीलाई उद्धृत गर्दै भनिएको छ।
नयाँ रिपोर्ट अनुसार, अमेरिकाले चीनमा निर्यात हुने एआई चिप्सको फराकिलो एर्रेलाई लक्षित गर्दै प्राविधिक मापदण्डहरूको आधारमा आगामी चिप प्रतिबन्ध लगाउनेछ।
कन्ज्युमर इलेक्ट्रोनिक्स डिभाइसहरूका लागि बनाइएका चिपहरू नयाँ कर्बहरूद्वारा लक्षित नहुने तर अमेरिकामा आधारित सेमीकन्डक्टर निर्माताहरूले चीनमा रहेका कम्पनीहरूलाई उनीहरूको सबैभन्दा शक्तिशाली उत्पादनहरूको लागि अर्डरहरू भर्दै गर्दा अमेरिकी वाणिज्य विभागलाई सूचित गर्नुपर्ने बताइएकाे छ।
त्यसपछि एजेन्सीले चिप निर्यातले राष्ट्रिय सुरक्षाको लागि खतरा हुन सक्ने या नसक्ने विषयमा प्रत्येक केसलाई हेर्ने तथा निर्णय गर्ने उल्लेख छ। अमेरिकाले चिप निर्यातका लागि नयाँ “इफिसेन्सी डेन्सिटी प्यारामिटर” स्थापना गर्न खोजिरहेको छ। यसले चीनमा चिप निर्यातमा भविष्यमा हुने उपायहरू रोक्नको लागि लक्ष्य राख्ने बताइएकाे छ।
प्रकाशित: ३० आश्विन २०८०, मंगलवार
