एप्लिकेसन

अलिबाबाको एआई मोडेल टोन्गी क्वानवेन सर्वसाधारणका लागि खुल्ला

अलिबाबाको एआई मोडेल टोन्गी क्वानवेन सर्वसाधारणका लागि खुल्ला
Global IME Bank

अलिबाबा ग्रुपले बुधबार आफ्नो आर्टिफिसियल इन्टेलिजेन्स (एआई) मोडेल टोन्गी क्वानवेन सार्वजनिक गरेको छ। अलिबाबाको एआई मोडेलले व्यापक बजारका लागि चिनियाँ नियामकको स्वीकृति प्राप्त गरेको देखिएको रोयटर्सले उल्लेख छ।

चीनका अधिकारीहरूले एआई विकास गर्ने कम्पनीहरूलाई समर्थन गर्ने प्रयासलाई तीव्र बनाएका छन्। चीन बढ्दो प्रविधिमा अमेरिकासँग प्रतिस्पर्धाको केन्द्रबिन्दु बन्ने प्रयासमा रहेको छ।

कम्पनीको विच्याट अकाउन्टमा प्रकाशित पोस्ट अनुसार अलिबाबा क्लाउड इन्टेलिजेन्स डिभिजनले ओप्पो, ताओबाओ, डिंगटोक र झोजियांग विश्वविद्यालय लगायतका संस्थाहरूले आफ्नो ठूला भाषा मोडेलहरू तालिम दिन वा टोन्गी क्वानवेनमा आधारित भाषा मोडेल अनुप्रयोगहरू विकास गर्न सहयोग सम्झौता गरेको बताएको छ।

पोष्टले यो पनि भन्यो कि निकट भविष्यमा, ठूलो भाषा मोडेलको खुला स्रोत भर्सन ‘सम्पूर्ण समाजका लागि’ निःशुल्क व्यावसायिक प्रयोगको लागि उपलब्ध गरिनेछ।

यस हप्ताको सुरुमा, अलिबाबाको क्लाउड डिभिजनका प्रमुख, पूर्व ग्रुप सीईओ डेनियल झाङले आफ्नो पदबाट राजीनामा दिए। उनको स्थानमा अलिबाबा ग्रुपले नयाँ सीईओको रुपमा एडी वुलाई नियुक्त गरेको छ।

मंगलबार अलीबाबा स्टाफहरूलाई लेखेको अन्तरिक पत्रमा, वुले भने कि एआई अलीबाबा ग्रुपको भावी रणनीतिक केन्द्रमा हुनेछ।

‘अर्को दशकमा, सबैभन्दा महत्वपूर्ण परिवर्तन एजेन्ट एआईद्वारा सबै क्षेत्रहरूमा उत्पन्न अवरोधहरू हुनेछन्,’ वुले पत्रमा भने, ‘यदि हामीले एआई युगको परिवर्तनहरू पालना गरेनौं भने, हामी विस्थापित हुनेछौं।’

अलिबाबाले पहिलो पटक अप्रिलमा टोन्गी क्वानवेन सार्वजनिक गरेको थियो। तत्कालिन समयमा एआई ठूलो भाषा मोडेल, जुन च्याटजीपीटी जस्तै छ, सबै व्यावसायिक एप्लिकेसनमा एकीकृत हुने बताइएको थियो।

Sajilo Visa
easy care