काठमाडौं ।
टेस्लाले गिगाफ्याक्ट्री मेक्सिकोमा १५ बिलियन डलर लगानी गर्ने भएको छ।
न्यूभो लियोनका गभर्नर शमूएल गार्सियाले भर्खरैको घोषणामा, टेस्ला र यसका आपूर्तिकर्ताहरूले आगामी दुई वर्षमा गिगाफ्याक्ट्री मेक्सिकोमा प्रभावशाली १५ बिलियन डलर लगानी गर्ने खुलासा गरेका रोयटर्सले रिपोर्ट गरेको छ।
मार्चमा, सीईओ इलन मस्कले टेस्लाले उत्तरी राज्य न्यूभो लियोनमा गिगाफ्याक्ट्री स्थापनाकाे घोषणा गरेका थिए। गीगा मेक्सिकोमा टेस्लाको योजनाबद्ध लगानीको बारेमा भने विवरणहरू खुलासा गरिएको थिएन।
आगामी कारखानाको लागि ५ बिलियन अमेरिकी डलर लगानी अपेक्षित रहेको मेक्सिकोका अधिकारीहरूले बताएका थिए। हालको रकम मेक्सिकोका अधिकारीहरूले यसअघि खुलासा गरेको संख्याभन्दा तीन गुणा हो।
टेस्लाका अधिकारीले भने, “टेस्ला र यसका आपूर्तिकर्ताहरूले दुई वर्षमा अमेरिकी डलर १५ बिलियनको लगानी उत्पन्न गर्नेछन् ।” उनले यो रकम न्यूभो लियोनले राजमार्ग र अन्य सार्वजनिक कार्यहरू जस्ता परियोजनाहरूमा बढी खर्च गर्नुपर्ने पनि बताए।
यस वर्षको सुरुमा टेस्लाको गिगाफ्याक्ट्री मेक्सिको घोषणा हुनु अघि, बीएमडब्ल्यू, जनरल मोटर्स (जीएम), र फोर्ड जस्ता दिग्गजहरूले मेक्सिकोको अटोमोटिभ क्षेत्रमा इलेक्ट्रिक भेहिकल उत्पादन सुरु गर्ने वा बढाउने आफ्नो मनसाय साझा गरेका थिए।
अघिल्लो रिपोर्टहरूकाअनुसार गीगा मेक्सिकोमा टेस्लाको इलेक्ट्रिक भेहिकल उत्पादन २०२५ मा सुरु हुनेछ। यद्यपि, टेस्लाले फ्यासिलिटीकाे अद्यावधिक लक्षित समय सीमाको बारेमा अहिलेसम्म आधिकारिक बयान जारी गरेको छैन।
भर्खरैका रिपोर्टहरूले टेस्लाको २५ हजार अमेरिकी डलरको कार र रोबोट्याक्सी दुबै एउटै अर्को पुस्ताको प्लेटफर्ममा निर्माण हुने सुझाव दिएका छन्। यसलाई ध्यानमा राख्दै, गीगा मेक्सिकोलाई टेस्लाको अपेक्षित कम लागतमा चालकविहीन सवारी साधनहरूको उत्पादनको जिम्मेवारी दिइएको छ।
यदि यो वास्तवमै सत्य भएमा, गीगा मेक्सिको धेरै राम्रोसँग सम्भवतः गीगा शंघाईको आउटपुट भन्दा पनि टेस्लाको हाइएस्ट-भोल्युम फेसीलीटी बन्न सक्ने बताइएकाे छ।
प्रकाशित: २८ भाद्र २०८०, बिहीबार
