काठमाडौं ।
टिकटकले प्रयोगकर्ताहरूलाई प्लेटफर्ममा लामो समयसम्म राख्नका लागि थप सामाजिक सञ्जाल सुविधाहरू थप्ने योजना बनाईरहेको छ।
आन्तरिक रिपोर्टहरूका अनुसार प्रयोगकर्ताले टिकटकका भिडियोहरूका बारेमा कुरा गर्न अन्य एपहरूमा यसका भिडियोहरू सेयरिङ गरिरहेकामा टिकटक चिन्तित रहेको उल्लेख छ ।
यसलाई सम्बोधन गर्न कम्पनीले एप भित्र सामाजिक अन्तरक्रिया बढाउने उद्देश्य राखेको छ। यसमा टिकटकको मेसेजिङ सिस्टम सुधार गर्नमा केन्द्रित कार्यहरू समावेश रहेका छन्, जुन कम्पनीले अझै पनि धेरै आधारभूत रहेको बताएको छ। टिकटक प्लेटफर्म नछोडिकन प्रयोगकर्ताहरूलाई कनेक्ट गर्न र च्याट गर्न अद्वितीय तरिकाहरू सिर्जना गर्नु लक्ष्य रहेको उल्लेख छ ।
इन्स्टाग्राम जस्ता अन्य प्लेटफर्महरूमा पहिले नै टिकटकका जस्ता सुविधाहरू भएकाले, टिकटकले केहि नयाँ प्रस्ताव गर्न खोजिरहेको छ। यद्यपि, कम्पनीले भिडियोहरू मार्फत मनोरन्जनको आफ्नो मुख्य शक्तिलाई छोडेको छैन।
यी सोसल नेटवर्कीङ एलिमेन्ट थपेर, टिकटकले रमाइलो भिडियो र सामाजिक अन्तरक्रिया दुवैको लागि जाने ठाउँ बन्ने लक्ष्य राखेको उल्लेख छ। यो योजनाले प्रयोगकर्ताहरूलाई व्यस्त राख्न सक्ने, तथा यसलाई क्राउडेड सोसल मिडिया लेण्डस्केपमा थप प्रतिस्पर्धी बनाउँने बताइएको छ ।
प्रकाशित: २१ भाद्र २०८०, बिहीबार
