Technology Khabar ३ भाद्र २०८०, आईतवार
काठमाडौं ।
रुसको ४७ वर्षपछि शुरु गरेको पहिलो चन्द्र अभियान असफल भएको छ। यसको लुना-२५ अन्तरिक्ष यान नियन्त्रणबाट बाहिर निस्कियो र प्रि-ल्याण्डिङ कक्षको तयारीमा समस्या आएपछि चन्द्रमामा ठोक्कियो। यसले कुनै समयको सोभियत संघको शक्तिशाली अन्तरिक्ष कार्यक्रमको कमजोरीलाई पुन एक पटक सार्वजनिक गरेको बताईएको छ।
समाचार एजेन्सी रोयटर्सकाअनुसार, रसियाको राज्य अन्तरिक्ष निगम, रोस्कोसमोसले शनिबार ११:५७ जीएमटीमा यानसँग सम्पर्क टुटेको बताएको छ किनकी जहाजलाई पूर्व अवतरण कक्षमा धकेलिएको थियो र सोमबारको लागि सफ्ट ल्यान्डिङको योजना थियो।
“उपकरण एक अप्रत्याशित कक्षमा सरेको छ र चन्द्रमाको सतहसँग टक्करको परिणामस्वरूप अस्तित्व समाप्त भयो,” रोस्कोसमोसले एक विज्ञप्तिमा भनेको छ।
लुना-२५ अन्तरिक्ष यान हराउनुको कारण पत्ता लगाउन विशेष अन्तर-विभागीय आयोग गठन गरिएको छ, जसको मिसनले मस्कोमा रुस ठूलो शक्ति चन्द्र दौडमा फर्किने आशा जगाएको थियो।
मस्कोले स्पुतनिक १ नामक पृथ्वीको परिक्रमा गर्ने पहिलो उपग्रह सन् १९५७ मा प्रक्षेपण गरेको र सन् १९६१ मा सोभियत अन्तरिक्ष यात्री युरी गागारिन अन्तरिक्षमा यात्रा गर्ने पहिलो व्यक्ति बनेका थिए। तर अहिलेको अभियानले रुसलाई पुन एक पटक अन्तरिक्ष अभियानमा सोच्न बाध्य बनाएको उल्लेख छ।
सन् १९७६ मा कम्युनिष्ट नेता लियोनिद ब्रेज्नेभले क्रेमलिनमा शासन गरेपछि रुसले चन्द्रमा मिशनको प्रयास गरेको थिएन।
प्रकाशित: ३ भाद्र २०८०, आईतवार
