काठमाडौं ।
स्ट्रिमिङ सेवा प्रदायक पिककले सब्सक्रिप्सन प्लानको शुल्क बढाउने भएको छ। विज्ञापन–समर्थित प्रिमियम सब्सक्रिप्सन एक डलरले बढेर, प्रति महिना ६ अमेरिकी डलर पुग्नेछ भने जबकि विज्ञापन–रहित प्रिमियम प्लस विकल्पले प्रति महिना दुई डलरले बढेर १२ अमेरिकी डलर हुनेछ।
वार्षिक प्रिमियम सब्सक्रिप्सन १० अमेरिकी डलर बढ्ने छ र ६० अमेरिकी डलर प्रतिशत वर्ष हुनेछ। जबकि प्रिमियम प्लस सदस्यता २० अमेरिकी डलरले बढ्छ, यो प्रति वर्ष १२० अमेरिकी डलर प्रति वर्ष हुन्छ। हालका सब्सक्राइबरहरुलाई पठाइएको इमेल अनुसार, यो सबै अगष्त १७ देखि लागू हुनेछ।
२०२० मा लन्च भएको एनबीसी युनिभर्सल–स्वामित्वको स्ट्रिमिङ सेवाको पहिलो मूल्य वृद्धि भएको इनग्याजेडले उल्लेख गरेको छ। यो मूल्य वृद्धि हालका र आगामी प्रयोगकर्तामा लागू हुनेछ।
तीब्र रुपमा बढ्दो सब्सक्राइबरका बाबजुत पिककले पैसा गुमाइरहेको छ। गत अप्रिलसम्म पिककसँग २२ मिलियन सब्सक्राइबर रहेको थियो, तर बढेको प्रोग्रामिङ लागतले ७०० मिलियन अमेरिकी डलरभन्दा बढी घाटा व्यहोरेको छ। स्ट्रिमिङ सेवामा मूल्य बढाउने पिकक पछिल्लो कम्पनी हो, यस अघि अन्य प्रतिस्पर्धी सब्सक्रिप्सन मूल्य बढाइसकेका छन्। ति कम्पनीहरुमा पारमाउन्ट प्लस, म्याक्स, डिज्नी प्लस, एप्पल लगायत कम्पनी छन्।
हलिउडकर्मीहरुको आन्दोलन छिट्टै समाधान नभए स्ट्रिमरहरुसँग कन्टेन्टको अभाव हुनेछ।
प्रकाशित: ३० श्रावण २०८०, मंगलवार
