एसके टेलिकम, डोयच टेलिकोम, ई एण्ड र सिङटेलले शुरु गरे ग्लोबल टेल्को एआई गठबन्धन

काठमाडौं ।

एसके टेलिकम, डोयच टेलिकोम, ई एण्ड र सिङटेलले नयाँ व्यापार अवसरहरू र ग्राहक अनुभवहरू सिर्जना गर्न एआई प्रयोग गर्ने उद्देश्यका साथ ग्लोबल टेल्को एआई गठबन्धन गठन गरेको घोषणा गरेका छन्।

चार सदस्यहरूले एक बहुपक्षीय समझदारी ज्ञापनमा हस्ताक्षर गरेका छन् जस अन्तर्गत उनीहरूले संयुक्त रूपमा टेल्को एआई प्लेटफर्म विकास गर्नेछन्। यसका साथै उनीहरुलले सामान्य रूपमा एआई व्यवसायमा सहयोग गर्नेछन्।

चारवटा टेलिकमहरूले आ-आफ्नो प्रविधि र क्षमताहरू संयोजन गरेर टेल्को एआई प्लेटफर्मलाई संयुक्त रूपमा विकास गर्नेछन्। टेल्को एआई प्लेटफर्मले नयाँ एआई सेवाहरूको लागि मुख्य आधारको रूपमा काम गर्ने अपेक्षा गरिएको छ, जसमा अवस्थित टेल्को सेवाहरू, डिजिटल सहायकहरू, र सेवाहरूको विस्तृत दायरा प्रदान गर्ने सुपर एपहरू सुधार गर्न डिजाइन गरिएको हो।

सहयोगलाई सहज बनाउन उनीहरूले ग्लोबल टेल्को एआई एलायन्स संयुक्त कार्य समूह गठन गर्नेछन्, जसले सह-लगानी अवसरहरू र टेल्को एआई प्लेटफर्मको सह-विकास जस्ता मुद्दाहरूमा विस्तृत छलफल गर्नेछ। समग्र सहकार्यलाई समन्वय गर्न प्रत्येक कम्पनीबाट सी-स्तरका अधिकृत नियुक्त गर्ने विषयमा छलफल हुनेछ।

चार टेलिकमहरूले आ-आफ्नो बजारमा एआई सेवाहरू र एपहरू सञ्चालन गर्न एक अर्कालाई सहयोग गर्ने र इकोसिस्टम निर्माण गर्न सहयोग गर्ने योजना पनि बनाएका छन्।