काठमाडौं ।
भारतमा आईफोनहरूको लोकप्रियता बढ्दै गएको छ। साथै बिक्रीहरुले एप्पललाई देशमा स्मार्टफोनको बजार हिस्सा हासिल गर्न मद्दत गरिरहेको छ। कुपर्टिनो आधारित टेक जायन्टले यस वर्षको सुरुमा मुम्बई र दिल्लीमा गरी दुईओटा रिटेल स्टोरहरू पनि खोलेको छ।
यसै क्रममा साइबरमिडिया रिसर्चको प्रतिवेदनले भारतमा २०२३ को दोस्रो त्रैमासिकमा एप्पलको प्रदर्शनको बारेमा खुलाएको गीज्मोचाइनाले उल्लेख गरेको छ।
भारतमा एप्पलले २०२३ को दोस्रो त्रैमासिकमा आईफोन ढुवानीको सन्दर्भमा वार्षिक दरमा ७० प्रतिशत वृद्धिको रिपोर्ट गरेको छ। हालको पुस्ताको आईफोन १४ सिरिज र यसको पूर्ववर्ती आईफोन १३ लाइनअपले कम्पनीको उत्कृष्ट प्रदर्शनमा योगदान पुर्याएको उल्लेख छ। साथै पुरानो आईफोन ११ र आईफोन १२ मोडलहरूले पनि एप्पलको वृद्धिलाई उल्लेखनीय रूपमा बढाएको छ। भारतमा एप्पलको प्रिमियम स्मार्टफोन सेगमेन्टमा ठूलो हिस्सा भएको उल्लेख छ।
२०२३ को दोस्रो त्रैमासिक (अप्रिल देखि जुलाई सम्म) मा, आईफोन १३ भारतमा सबैभन्दा राम्रो प्रदर्शन गर्ने आईफोन बनेको थियो। आईफोन १३ को अनलाइन बिक्रीको स्वामित्वमा ५२ प्रतिशतको उच्चतम बजार हिस्सा थियो भने र आईफोन १३ र आईफोन १४ नन–प्रो भेरियन्टहरू बीच सानो भिन्नता रहेको थियो। आईफोन १४ सिरिजले सोही त्रैमासिकमा ४५ प्रतिशत आईफोन ढुवानी दर्ता गरेको थियो। साथै आईफोन ११ र आईफोन १२ सिरिजले पनि एप्पलको बृद्धिमा क्रमशः दुई र एक प्रतिशत योगदान पुर्याएको उल्लेख छ।
आईफोन बाहेक भारतमा एप्पलको आईप्याड लाइनअपले पनि बजार वृद्धि देखेको उल्लेख गरिएको छ। ४२ प्रतिशत बजार शेयरका साथ आईप्याड नाइन्थ जेनेरेसन (९औं पुस्ता) सबैभन्दा लोकप्रिय थियो भने २२ प्रतिशत शेयर सहित टेन्थ जेनेरेसन (१०औं पुस्ता) ले त्यसलाई पछ्याएको उल्लेख छ।
त्यसैगरी २०२२ आईप्याड एयर र आईप्याड प्रो सिरिजले क्रमशः १८ प्रतिशत र १६ प्रतिशत बजार हिस्सा रेकर्ड गरेको थियो।
प्रकाशित: ८ श्रावण २०८०, सोमबार
