काठमाडौं ।
फेसबुकको मूल कम्पनी मेटाले एप्पल वाचबाट फेसबुक मेसेन्जर एप हटाउने निर्णय गरेको छ। मेटाको यो आश्चर्यजनक कदमले एप्पल वाच प्रयोगकर्ताहरूलाई निराश बनाउने उल्लेख गरिएको छ।
आगामी जून १ तारिखदेखि एप्पल वाच प्रयोगकर्ताहरूले एपमार्फत सन्देशहरू पठाउन वा प्राप्त गर्न नसक्ने छन्। मेटाको उक्त घोषणा एप्पल वाच मेसेन्जर एपमा एक सूचना (डिस्क्रिट नोटिफिकेसन) मार्फत आएको उल्लेख गरिएको छ। मेटाले समाचारको पुष्टि गरेको तर कम्पनीले यस निर्णय पछाडिको तर्कको व्याख्या गर्दै सार्वजनिक बयान जारी गर्न भने बाँकी रहेको गीज्मोचाइनामा उल्लेख गरिएको छ।
आफ्नो नाडीमा फेसबुक मेसेन्जरको सुविधाको लागि अभ्यस्त भएका एप्पल वाच प्रयोगकर्ताहरूका लागि यो परिवर्तन एक उल्लेखनिय झट्काको रुपमा आएको छ। अहिलेसम्म, प्रयोगकर्ताहरूले सजिलैसँग आफ्नो आईफोनको प्रयोग बिना नै सन्देश पठाउन र प्राप्त गर्न सक्दथे। साथै इन्टिग्रेसनले प्रयोगकर्ताहरूलाई आफ्नो एप्पल वाचबाट डाइरेक्ट पोष्टहरू र फोटोहरू अपलोड गर्न अनुमति दिँदै समय बचत गरी युजर्स एक्सपिरियन्स इन्ह्यान्स (प्रयोगकर्ता अनुभव बृद्धि) गरेको थियो।
यस्तो निर्बाध इन्टिग्रेसनले गर्दा प्रयोगकर्ताहरूले एपलाई बारम्बार खोल्न आवश्यक नपर्ने र परिणामस्वरूप मेसेन्जर सदस्यहरूको लागि विज्ञापन एक्सपोजर कम हुने भनी एक रेड्डिटरले उपयुक्तरूपमा औंल्याएको बताइएको छ।
मेटाको निर्णय पछाडिको मनसायको बारेमा गरिएको अनुमान वित्तीय विचारहरू वरिपरि घुम्ने उल्लेख छ। विज्ञापन राजस्व अधिकतम गर्ने कम्पनीको इच्छाले गर्दा एप्पल वाचबाट मेसेन्जर एप हटाउनुको सम्भावित कारण हुन सक्ने बताइएको छ।
एप्पल वाच एप हटाएपछि प्रयोगकर्ताहरूले आईओएस फेसबुक मेसेन्जर एपमा बढी समय बिताउने छन् भन्ने कुराको मेटाले सुनिश्चित गर्न खोजेको र यसले गर्दा विज्ञापनको छापहरू बढ्ने उल्लेख गरिएको छ। यो रणनीतिक चाल मेटाको विज्ञापनहरूबाट उच्च राजस्व उत्पन्न गर्ने लक्ष्यसँग पङ्क्तिबद्ध रहेको बताइएको छ।
फेसबुकका प्रवक्ताहरूले फेसबुक मेसेन्जर मार्फत सन्देशहरू अझै पनि आईफोन एप, डेस्कटप वा वेबसाइट मार्फत पहुँचयोग्य हुने कुरामा जोड दिएका छन्। प्रयोगकर्ताहरूले आफ्नो एप्पल वाचहरूमा नोटिफिकेसनहरू प्राप्त गर्नेछन् भने यसले तिनीहरूलाई आगमन सन्देशहरूको बारेमा सूचित गराउनेछ।
प्रकाशित: ३० बैशाख २०८०, शनिबार
