काठमाडौं ।
स्पोटीफाई टेक्नोलोजी एसएले पहिलो पटक मासिक सक्रिय प्रयोगकर्ताहरूको संख्या आधा अर्ब अर्थात ५० करोड अंक पार गरेको जनाएको छ। संगीत स्ट्रिमिङ कम्पनीको अधिक बजारहरूमा बिस्तारले मद्दत गरेको यसले मंगलबार बताएसँगै यसको शेयर ५ प्रतिशत माथि वृद्धि भएको छ।
स्पोटिफाइको मार्गदर्शन र विश्लेषकहरूको ५० करोडको पूर्वानुमानलाई पछि पार्दै, पहिलो त्रैमासिकमा मासिक सक्रिय प्रयोगकर्ताहरूको संख्या बढेर ५१ करोड ५० लाख पुगेको छ।
प्रिमियम सब्सक्राइबरहरू, जसले यसको अधिकांश राजस्वको लागि योगदान गर्दछन्, उक्त संख्यामा १५ प्रतिशतले बढेर २१० मिलियनमा पुग्यो।
हालको त्रैमासिकको लागि २१७ मिलियनको प्रिमियम ग्राहक पूर्वानुमानले पनि २१२ मिलियनको अपेक्षालाई हरायो। कम्पनीले मासिक सक्रिय प्रयोगकर्ताहरु ५३ करोड हुने पूर्वानुमान गरेको थियो।
स्पोटीफाईले गत वर्ष २०३० सम्ममा एक अर्ब प्रयोगकर्ताहरू प्राप्त गर्ने र वार्षिक राजस्वमा १०० अर्ब डलर पुग्ने योजना राखेको थियो। यसले पोडकास्ट र अडियोबुकहरूमा यसको महँगो बिस्तारबाट उच्च मार्जिन रिटर्नको पनि वाचा गरेको छ।
प्रकाशित: १५ बैशाख २०८०, शुक्रबार
