काठमाडौं ।
फोर्डका ड्राइभरहरूले कानुनी रूपमा आफ्नो ब्लुक्रूज प्रविधिलाई बेलायतमा स्वीकृत गरिसकेपछि चलिहरेको बेलामा ह्वीलबाट हात हटाउन सक्षम हुनेछन्।
मन्त्रीहरूले निश्चित मोटरवेहरूमा प्रयोगको लागि “ह्यान्ड-अफ, आई-अन” प्रविधिलाई अनुमोदन गरेका छन्।
यसले स्टेयरिङ, एक्सिलेरेसन र ब्रेकिङलाई नियन्त्रण गर्न सक्छ तर क्यामराले चालकको आँखालाई निगरानी गर्नेछ जसले गर्दा उनीहरू सतर्क रहन्छन्।
यो प्रविधि सुरुमा फोर्डको इलेक्ट्रिक मस्टाङ्ग माच ई एसयूभीको २०२३ मोडलका लागि मात्र उपलब्ध हुनेछ।
यसको अर्थ यो मोडेलले अन्य कारहरूबाट सुरक्षित दूरी राख्न र ट्राफिक जाममा पूर्णरूपमा रोक्न पनि सक्छ।
फोर्डको कारको मूल्य ५०,८३० पाउण्ड छ र पहिलो ९० दिनको लागि ह्यान्ड्स अफ टेक्नोलोजी नि:शुल्क हुनेछ, त्यसपछि चालकहरूले मासिक सदस्यताको लागि साइन अप गर्नुपर्नेछ।
नयाँ मोडलको डेलिभरी गत महिना सुरु भएको थियो। यसको अधिकतम गति ८० माइल प्रतिघण्टा छ र लेन मार्किङ तथा गति चिन्हहरू, साथै सडकमा अन्य कारहरूको स्थिति र गति पत्ता लगाउन दुवै क्यामरा र सेन्सरहरू प्रयोग गर्दछ।
फोर्डको ब्लूक्रुज टेक्नोलोजीले “लेभल २” ड्राइभर सहायता प्रणालीको रूपमा चिनिने कुरालाई प्रतिनिधित्व गर्दछ, जसलाई अझै पनि मानव चालकले केही गल्ती भएमा नियन्त्रण लिन आवश्यक छ।
प्रकाशित: ५ बैशाख २०८०, मंगलवार
