काठमाडौं ।
चिप निर्माता कम्पनी क्वालकमले मंगलबार सशुल्क क्लाउड सफ्टवेयर सेवा सुरु गरेको छ। यस सेवा मार्फत, प्राविधिक कम्पनीहरूले ढुवानी कन्टेनर, प्यालेट र प्याकेजहरू सजिलैसँग ट्र्याक गर्न सक्षम हुनेछन्। यससँगै उनीहरूले आपूर्ति श्रृंखलासँग सम्बन्धित सबै प्रकारको जानकारी पनि पाउनेछन्।
यो सेवा शुरु भएसँगै कम्पनीहरुको काम सहज हुने र उनीहरुले आफ्नो आपूर्ति श्रृंखलामा निरन्तर नजर राख्न सक्ने कम्पनीले जनाएको छ ।
कम्पनीका अनुसार लन्च गरिएको सशुल्क क्लाउड सफ्टवेयर सेवाको नाम क्वालकम अवेयर हो। यो सेवा चिप्समा आधारित छ। कम्पनीहरूले यस सेवा अन्तर्गत ढुवानी कन्टेनर, प्यालेटहरू सहित प्याकेजहरूको स्थान सजिलैसँग ट्र्याक गर्न सक्छन्। यसबाहेक कम्पनीहरूले आपूर्ति श्रृंखलाको बारेमा पनि जानकारी पाउनेछन्।
क्लाउड सेवाका लागि अधिकांश ट्र्याकरहरू थर्ड-पार्टी कम्पनीहरूले बनाउने गरेका छन्, तर क्वालकमले क्लाउड सेवा प्रयोग गरेर उपकरण तयार गरेको छ। उदाहरणका लागि, त्यहाँ एक टिल्ट सेन्सर छ जुन युटिलिटी पोलमा संलग्न गर्न सकिन्छ, जसले कम्पनीहरूलाई आँधीबेहरीको समयमा पोल ढलेको छ कि छैन भनेर जानकारी दिन्छ।
क्वालकमका उपाध्यक्ष जेफ टोरेन्सले कम्पनीको नयाँ सफ्टवेयर माइक्रोसफ्टको डायनामिक्स ३६५ क्लाउडमा आधारित सेवासँग काम गर्ने बताएका छन्। कम्पनीहरूले दुवै प्रणाली सँगै प्रयोग गर्न सक्छन्, जुन भर्चुअल ड्यासबोर्ड जस्तै हुनेछ।
चिप निर्माता क्वालकमले क्लाउड सेवा क्वालकम अवेयरको मूल्य अझै घोषणा गरेको छैन। कम्पनीले आगामी दिनमा मूल्य घोषणा गर्ने अपेक्षा गरिएको छ।
प्रकाशित: ११ फाल्गुन २०७९, बिहीबार
