काठमाडौं ।
एप्पलले केही देशहरुमा आर्थिक कारणहरुले गर्दा एप स्टोरको मूल्य समायोजन गर्ने शनिबार बताएको छ।
एप्पलले फेब्रुअरी १३ मा बेलायत र अन्य धेरै देशहरुमा एप स्टोरको मूल्य परिमार्जन गर्ने बताएको गिगचाइनाले उल्लेख गरेको छ।
मूल्य परिवर्तनहरूले एप स्टोरका गतिविधिहरू जस्तै एप खरिदहरू र इन–एप खरिदहरूलाई असर गर्नेछ। कोलम्बिया, इजिप्ट, हंगेरी, नाइजेरिया, नर्वे, दक्षिण अफ्रिका र युनाइटेड किंगडमका ग्राहकहरुले एप स्टोरहरुमा एपहरुको मूल्यमा वृद्धि देख्नेछन्।
यद्यपि, सबै देशहरूमा मूल्य बढ्ने छैन। उज्वेकिस्तान लगायत देशहरुले प्रत्यक्ष विपरित अनुभव गर्नेछन्। एप्पलले उज्बेकिस्तानमा मूल्य अभिवृद्धि कर (भ्याट) दरमा तीन प्रतिशत कटौतीका कारण एपको मूल्य घट्ने बताएको छ। पूर्ण अपडेट गरिएको मूल्य सूची जाँच गर्न, तपाइँ एप्पलको एप स्टोर मूल्य चार्ट हेर्न सकिन्छ।
एप्पलले आयरल्याण्ड, लक्जमबर्ग, सिंगापुर र जिम्बाब्वे लगायत देशहरूमा मूल्यहरू परिवर्तन नगर्ने पनि बताएको छ। भ्याट परिवर्तनको कारणले थोरै समायोजन हुनेछ।
आईफोन निर्माताले कम्बोडिया, किर्गिजस्तान, इन्डोनेसिया, सिंगापुर, दक्षिण कोरिया, ताजिकिस्तान, थाइल्याण्ड र उज्वेकिस्तान देशहरूमा बिक्री गर्ने स्थानीय विकासकर्ताहरूको लागि आय बढाउने पनि बताएको छ।
गत वर्ष डिसेम्बरको शुरुमा, एप्पलले एप स्टोरमा एप्सका लागि थप ७०० मूल्य बिन्दुहरू विकासकर्ताहरूलाई उपलब्ध गराउने आफ्नो योजनाको घोषणा गरेको थियो। यसले एप स्टोरमा एपहरूको मूल्य निर्धारणमा थप भिन्नताहरूको लागि अनुमति दिनेछ।
यसले संकेत गर्छ कि, एप्पल एप स्टोरमा रहेका एपहरूको मूल्य २९ सेन्ट जति कम हुन सक्छ। मूल्य निर्धारण पनि १० हजार अमेरिकी डलर रूपमा उच्च जान सक्छ। यी परिवर्तनहरू यस वर्षको वसन्तदेखि एप स्टोरका सबै एपहरूमा लागू हुन थाल्नेछन्।
प्रकाशित: १५ माघ २०७९, आईतवार
