काठमाडौं ।
शाओमीले बुधबार ग्लोबल इकोसिस्टम उत्पादन लन्च कार्यक्रमको क्रममा एमआई टिभी स्टीक सार्वजनिक गरेको छ। अमेजन फायर टिभी स्टीक जस्तै, एमआई टिभी स्टीक एउटा पोर्टेबल स्ट्रिमिङ उपकरण हो जुन एचडीएमआई पोर्ट मार्फत तपाईंको टिभीमा कनेक्ट हुन्छ।
एमआई टिभी स्टीकमार्फत, प्रयोगकर्ताहरूले नेटफ्लिक्स, अमेजन प्राइभ, डिज्ने हटस्टारप्लस जस्ता धेरै ओटीटी प्लेटफर्महरूबाट चलचित्र र कार्यक्रमहरू स्ट्रिम गर्न सक्छन्।
यस बाहेक, यो डिभाइस बिल्ट-इन गुगल सहायक र क्रोमकास्टको साथ आउँछ। यसको साथ तपाईले ब्लुटुथ रिमोट कन्ट्रोल पनि पाउनुहुनेछ।
एमआई टिभी स्टिकका मूल्य र फिचरहरु
एमआई टिभीको विश्वव्यापी मूल्य ३९.९९ युरो तोकिएको छ, जुन यसको एकल १०८०पी भेरियन्टको मूल्य हो। हाल, चिनियाँ टेक कम्पनीले यस उपकरणको उपलब्धताको बारेमा कुनै जानकारी सार्वजनिक गरेको छैन।
यस बाहेक शाओमीले एमआई टिभी स्टीक नेपालसहितका अन्य देशहरुमा लन्च बारेमा कुनै जानकारी दिएको छैन। आगामी दिनहरूमा कम्पनीले यससँग सम्बन्धित थप जानकारीहरू खुलाउन सक्ने अपेक्षा गर्न सकिन्छ।
नयाँ एमआई टिभी स्टीक डिजाइनको हिसाबले अमेजन फायर टिभी स्टीकसँग मिल्दोजुल्दो देखिन्छ। यो ब्ल्याक कलर भेरियन्टमा आउँछ र एमआई टिभी स्टिकको रिमोट कन्ट्रोलमा उही रङको विकल्प दिइएको छ।
शाओमीको यो पोर्टेबल स्ट्रिमिङ उपकरण क्वाड-कोर सिपियूका साथमा सुसज्जित छ, र सहकार्यकाको लागी, यसलाई १जीबी र्यामर ८जीबी स्टोरेज आन्तरिक भण्डारण दिइएको छ। यो एन्ड्रोइड टिभी अपरेटिङ सिस्टममा चल्छ, जसमा एमआई टिभी प्याचवाल छैन। यस बाहेक, एमआई टिभी स्टीकले डल्वी अडियो र डीटीएस साउन्ड ढाँचाहरूलाई समर्थन गर्दछ।
यसमा तपाईंले फुल-एचडी (१,०८०x१,९२० पिक्सेल) रिजोल्युसन पाउनुहुनेछ। पोर्टेबल स्ट्रिमिङ स्टिक पूर्व-स्थापित नेटफ्लिक्स र अमेजन प्राइभ एपहरूसँगै आउँछ, जसलाई एमआई टिभी स्टीक रिमोटमा समर्पित बटनहरू थिचेर सीधै पहुँच गर्न सकिन्छ।
यसका साथसाथै भ्वाइस कमाण्डका लागि रिमोट कन्ट्रोलमा गुगल सहायकका लागि समर्पित बटन पनि दिइएको छ। नयाँ एमआई टिभी स्टिक बिल्ट-इन क्रोमकास्टसँग आउँछ। जसको मद्दतले प्रयोगकर्ताले आफ्नो एन्ड्रोइड स्मार्टफोनलाई सिधै टिभी स्क्रिनमा जडान गरी टिभी स्क्रिनमा फोटो, भिडियो र चलचित्र आदिको मजा लिन सक्नेछन्।
प्रकाशित: १४ पुष २०७९, बिहीबार
