काठमाडौं ।
निओले सिग्नेचर ब्याट्री स्वाप स्टेशनहरू निर्माण गर्नुका साथै,डिसेम्बर २४ मा निओ दिवसमा ५०० किलोवाट सम्मको पावर सहितको चार्जिङ पाइल अनावरण गर्यो जसले विशेष गरी अन्य ब्रान्डका लागि विद्युतीय सवारीसाधनहरूलाई छिटो चार्ज गर्नेछ।
अल्ट्रा-फास्ट चार्जिङ पाइल सबै ब्रान्डका विद्युतीय सवारी साधनहरूका लागि खुला छ र यसले अधिकतम ६६० एम्पिएरको चार्जिङ करेन्ट डेलिभर गर्न सक्षम भएको निओ(NIO)ले भन्यो।
यदि गाडी ८०० भी प्लेटफर्ममा बनाइएको छ भने, यसले १२ मिनेटमा १० प्रतिशत देखि ८० प्रतिशतसम्म चार्ज गर्न सक्छ। ४००भी मोडेलहरूको लागि, त्यो समय २० मिनेट हो।
निओले अल्ट्रा-फास्ट चार्जरलाई १५.६ इन्चको डिस्प्ले र कम्पनीको आफ्नै लिक्विड-कुलिङ टेक्नोलोजीले सुसज्जित गरेको छ, जसले केबलको तौललाई उल्लेखनीय रूपमा कम गर्न अनुमति दिन्छ जसले गर्दा प्रयोगकर्ताहरूले यसलाई सजिलैसँग एक हातले सञ्चालन गर्न सक्छन्।
यस वर्षको सुरुमा यसको स्थानीय समकक्षी एक्सपेङ्गले ४८० किलोवाटको अधिकतम पावरको साथ लन्च गरेपछि निओको चार्जर चिनियाँ विद्युतीय सवारी कम्पनीले घोषणा गरेको उच्चतम चार्जिङ पावर भएको सीएनईभीपोस्टले रिपोर्ट गरेको छ।
प्रकाशित: ११ पुष २०७९, सोमबार
