काठमाडौं ।
फोल्ड गर्न मिल्ने स्मार्टफोनपछि सामसङले चाँडै फोल्ड गर्न मिल्ने वा लचिलो(फ्लेक्सिबल) स्क्रिन भएको ल्यापटप ल्याउने भएको छ। दक्षिण कोरियाली कम्पनीले ल्यापटपको लचिलो स्क्रिनलाई पेटेन्ट गर्न अनुरोध पत्र दर्ता गरेको छ।
सामसङ द्वारा पेटेन्ट गरिएको ल्यापटपको डिजाइन असुस जेनबुक प्रो डुओ जस्तै देखिन्छ। यद्यपि, असुस ल्यापटपमा दुई अलग-अलग स्क्रिनहरू छन्, त्यसैले नाम डुओ राखिएको छ। सामसङको पेटेन्ट गरिएको ल्यापटपमा बेन्डेबल स्क्रिन भएको देख्न सकिन्छ, जसमा मुख्य स्क्रिनबाहेक स्क्रिनको आधार भागलाई ट्र्याकिङ प्याड वा किबोर्डको रूपमा प्रयोग गर्न सकिन्छ।
दक्षिण कोरियाली कम्पनी सामसङले फोल्डेबल स्क्रिनको पेटेन्ट दर्ता गरेको यो पहिलो पटक भने होइन। सन् २०२० मै कम्पनीले युनाइटेड स्टेट्स डिजाइन प्याटेन्ट (यूएसडीपी) मा यस्तै पेटेन्टको लागि आवेदन दिएको थियो। यो पेटेन्ट २२ नोभेम्बर २०२२ मा प्रकाशित गरिएको छ र ९१ मोबाइल्सद्वारा साझा गरिएको छ।
सामसङको आगामी डिजाइन प्याटेन्टमा ठूलो फोल्डेबल डिस्प्ले देख्न सकिन्छ, जसलाई बीचबाट फोल्ड गर्न सकिन्छ। जसरी तपाईंले सामसंगको ग्यालेक्सी जेड फोल्ड र जेड फ्लिप फोनहरूलाई फोल्ड गर्ने गर्नुभएको छ त्यसैगरी यसको क्रिजले यसलाई दुई भागमा विभाजन गर्दछ।
स्क्रिनको मुख्य भाग मुख्य डिस्प्लेको रूपमा प्रयोग गरिनेछ। एकै समयमा, अर्को भाग भर्चुअल किबोर्डको रूपमा पनि प्रयोग गर्न सकिन्छ। यसबाहेक पेटेन्ट गरिएको ल्यापटपमा दुईओटा थन्डरबोल्ट पोर्ट पनि देख्न सकिन्छ।
प्रकाशित: १३ मंसिर २०७९, मंगलवार
