काठमाडौं ।
एप्पलले फेरि ठूलो आईप्याडमा काम गरिरहेको छ। द इन्फर्मेशनको नयाँ रिपोर्टले उल्लेख गरे अनुसार नयाँ आईप्याड अर्को वर्षको चौथो त्रैमासमा १६ इन्चको डिस्प्लेका साथ जारी गर्न सक्नेछ।
“उपकरणले आईप्याड र म्याकबुक बीचको रेखालाई अझ धमिलो पार्नेछ,” रिपोर्टले भन्छ।
आउने नयाँ १६ इन्चको आईप्याड सम्भवतः रचनात्मक पेशेवरहरू जस्तै ग्राफिक कलाकारहरू र ठूलो स्क्रिन मनपर्ने डिजाइनरहरू तर्फ आकर्षित हुनेछ।
एप्पलले हाल अर्को वर्षको चौथो क्वाटरमा नयाँ आईप्याडको रिलीज मिति लक्षित गर्दैछ। सधैं जस्तै, रिपोर्टले एप्पलको योजनाहरू परिवर्तन हुन सक्ने र परियोजना पूर्ण रूपमा खारेज हुन सक्ने चेतावनी समेत दिएको छ।
एप्पलले यो १६ इन्च आईप्याडलाई आफ्नो लाइनअपमा कसरी राख्छ भन्ने अस्पष्ट छ। यसलाई “आईप्याड प्रो” को रूपमा ब्रान्ड गरिने छ वा केवल एप्पलको लाइनअपमा “आईप्याड” भनेर आउँछ भन्ने पनि जानकारी छैन्। हाल, एप्पलले ८.३ इन्चको डिस्प्ले सहितको आईप्याड मिनीदेखि १२.९ इन्चको डिस्प्लेको साथमा आईप्याड प्रोसहितका आईप्याड मोडलहरू प्रदान गर्दछ।
यस बाहेक ब्लूमबर्गका मार्क गुरम्यानले पनि एप्पलले ठूलो आईप्याड मोडल विकास गरिरहेको रिपोर्ट गरेका छन्। डिस्प्ले विश्लेषक रोस यंगले कम्पनीले १४.१ इन्चको मोडलमा पनि काम गरिरहेको बताएका छन् । यंगद्वारा रिपोर्ट गरिएको मोडेलमा मिनी-एलईडी डिस्प्ले रहेको भनिएको छ, जसले यसलाई हाई इण्ड उपकरण बनाउनेछ।
हाल, मिनी-एलईडी डिस्प्ले टेक्नोलोजी भएको एक मात्र आईप्याड आईप्याड प्रोको १२.९ इन्च संस्करण हो।
प्रकाशित: १४ कार्तिक २०७९, सोमबार
