बिग्रेका डिभाइसको बारे उपभोक्तालाई झुक्याएको भन्दै फिटबिटमाथि अष्ट्रेलियामा मुद्दा

काठमाडौं ।

अष्ट्रेलियाले फिटबिटलाई दोषपूर्ण उपकरणहरूको बारेमा उपभोक्ताहरूलाई भ्रामक कुरा भनेको आरोपमा मुद्दा हालेको छ।

अष्ट्रेलियाको प्रतिस्पर्धा तथा उपभोक्ता आयोग (एसीसीसी) ले अमेरिकामा आधारित फिटबिट विरूद्ध संघीय अदालतको कारबाही चलाएको छ।

तिनीहरूको फिटबिट पहिरन योग्य अर्थात वेयरेबल उपकरणहरू खराब भएपछि अस्ट्रेलियाको उपभोक्ता कानून अन्तर्गत उपभोक्ताहरूलाई तिनीहरूको उपभोक्ता ग्यारेन्टी अधिकारहरूको बारेमा गलत वा भ्रामक प्रतिनिधित्व गरेको आरोपमा मुद्दा हालेको हो।

एसीसीसीले दावी गरेअनुसार, मे २०२० र फेब्रुअरी २०२२ को बीचमा, फिटबिटले उपभोक्ताहरूलाई गलत वा भ्रामक प्रस्तुतिहरू गर्यो र उनीहरूले त्रुटिपूर्ण डिभाइस फिर्ता नगरेसम्म फिर्ताको हकदार नहुने दाबी गर्यो।