सामसङ वालेट यस वर्ष १३ देशमा लन्च हुने

काठमाडौं ।

सामसङले गत जुनमा सामसङ वालेट लन्च गर्ने घोषणा गरेको थियो।

यस एप मार्फत ग्यालेक्सी प्रयोगकर्ताहरुले आफ्ना डिजिटल आईडी, पेमेन्ट कार्ड, लोयल्टी कार्ड, कि र अन्य वस्तुहरु एउटै वालेटमा राख्न सक्ने गिजचाइनाले उल्लेख गरेको छ।

यसमा सामसङ ब्लकचेन वालेट र स्मार्टथिङ सेवा पनि बिल्ट इन छ। यसले प्रयोगकर्ताहरुलाई क्रिप्टोकरेन्सीको निगरानी गर्न र स्मार्ट होमका विभिन्न पक्षहरुलाई नियन्त्रण गर्ने अनुमति दिन्छ।

आधिकारिक शुरुवात पछि, सामसङ वालेट अब अन्य क्षेत्रहरूमा विस्तार हुँदैछ। कम्पनीका अनुसार यो वर्ष सामसङ वालेट १३ देश र क्षेत्रहरूमा विस्तार हुनेछ।

यो नयाँ वालेट हाल चीन, फ्रान्स, जर्मनी, युनाइटेड किंगडम, संयुक्त राज्य अमेरिका र अन्य देश र क्षेत्रहरूमा उपलब्ध छ।

अब बहराइन, डेनमार्क, फिनल्याण्ड, कजाकिस्तान, कुवेत, नर्वे, ओमन, कतार, दक्षिण अफ्रिका, स्वीडेन, स्विट्जरल्याण्ड, भियतनाम र संयुक्त अरब इमिरेट्समा उपलब्ध हुनेछ।