काठमाडौं ।
आईफोन ५सी एप्पल आईफोनको पुरानो मोडेल मध्ये एक हो, जुन अझै धेरै प्रयोगकर्ताहरूद्वारा प्रयोग भइरहेको छ। समाचारका अनुसार एप्पल कम्पनीले लामो समयदेखि आईफोन ५सीको बिक्रीमा पूर्ण प्रतिबन्ध लगाउने तयारी गरिरहेको थियो।
हालैको एक रिपोर्टका अनुसार एप्पलले आधिकारिक एप्पल रिसेलरहरूलाई आईफोन ५सी सम्बन्धमा मेमो पठाएको छ जसमा आइफोन ५सीलाई नोभेम्बर १ बाट अप्रचलित उत्पादन सूचीमा राखिने उल्लेख छ। यसअघि पनि एप्पलले आईफोन ५सीको सम्बन्धमा निर्णय लिएको थियो जसअन्तर्गत अक्टोबर २०२० मा आइफोनको यो मोडललाई भिन्टेज लिस्टमा राखिएको थियो।
एप्पलको भिन्टेज र अब्सिलिस्ट क्याटगरी
स्मार्टफोन निर्माता एप्पलले सामान्यतया दुई तरिकामा आफ्ना उत्पादनहरूको बिक्री बन्द गर्छ; पहिलो भिन्टेज वा पुरानो र दोस्रो अब्सिलिस्ट वा अप्रचलित हो। माथि उल्लेख गरिए अनुसार,आईफोन ५सीलाई पहिले भिन्टेज श्रेणीमा राखिएको थियो, त्यसैले यसलाई पुरानो सूचीमा राख्नुको अर्थ यो फोनको सेवा र मर्मत कार्यक्रम सीमित थियो।
त्यसकारण, कम्पनीले पुरानो डिभाइसहरूका लागि हार्डवेयर सेवा मात्र प्रदान गर्दछ। यसरी एप्पल कम्पनीले विगत ५ देखि ७ वर्षदेखि बिक्री बन्द गरेको विन्टेज श्रेणीमा ती उपकरणहरू राखिएको छ।
तर अब उल्लेख गरिएअनुसार, एप्पलले आईफोन ५सीलाई अप्रचलित श्रेणीमा राख्ने निर्णय गरेको छ, त्यसैले यसको मतलब कम्पनीले आईफोन ५सीको लागि सबै सेवा कार्यक्रमहरू रोक्न चाहन्छ। अर्थात्, कम्पनीले अप्रचलित श्रेणीमा थपिने उत्पादनहरूलाई कुनै सपोर्ट सेवा प्रदान गर्दैन।
एप्पलले सन् २०१३ मा आईफोन ५सी बजारमा ल्याएको थियो । एप्पलको यो स्मार्टफोन निलो, हरियो, गुलाबी, सेतो र पहेँलो रंगमा लन्च गरिएको थियो। साथै, यो एप्पलको एक किफायती मोडेल थियो, जुन प्लास्टिक ब्याक प्यानलको साथ प्रस्तुत गरिएको थियो।
प्रकाशित: २७ आश्विन २०७९, बिहीबार
