काठमाडौं ।
ग्लोबल स्मार्टफोन र टेक कम्पनी एप्पलको नयाँ आईफोन १४ भारतमा बन्ने भएको छ। चीनपछि विश्वको सबैभन्दा ठूलो स्मार्टफोन बजारबाट एप्पलले आफ्नो व्यापार द्रुत गतिमा बढाउने अपेक्षा गरिएको छ।
कम्पनीले सन् २०१७ मा भारतमा आईफोन एसईको उत्पादन सुरु गरेको थियो। यसले आईफोन एसई, आईफोन १२ र आईफोन १३ सहित भारतमा उन्नत आईफोन डिभाइसहरू बनाउँदैछ। यसमा आईफोन १४ पनि थपिएको भारतीय मिडिया रिपोर्टमा उल्लेख छ।
यस महिनाको सुरुमा, एप्पलले आईफोन १४ मोडेलहरूको नयाँ श्रृंखला लन्च गर्यो। यसमा राम्रो क्यामरा, शक्तिशाली सेन्सर, आपत्कालीन अवस्थामा मेसेज टेक्स्टका लागि स्याटेलाइट मेसेजिङ सुविधाहरू छन्। नयाँ सिरिजमा आईफोन १४, प्लस, प्रो र प्रो म्याक्स गरी चार मोडलहरू छन्।
एक मिडिया रिपोर्टले स्रोतलाई उदृत गर्दै भने अनुसार मेड इन इन्डिया आईफोन १४ आगामी केही दिनमा देशका ग्राहकहरूमा पुग्न थाल्नेछ। स्वदेशमै बनेका यी फोर्स निर्यात पनि हुनेछन्। यसलाई चेन्नई नजिकैको श्रीपेरुम्बदुरमा रहेको सबैभन्दा ठूलो ग्लोबल कन्ट्र्याक्ट इलेक्ट्रोनिक्स निर्माता र प्रमुख आईफोन एसेम्बलर फक्सकनको प्लान्टमा उत्पादन गरिनेछ।
सम्पर्क गर्दा एप्पलले भन्यो, “हामी भारतमा आईफोन १४ निर्माण गर्न पाउँदा उत्साहित छौं। सिरिजमा नयाँ टेक्नोलोजीका साथै महत्त्वपूर्ण सुरक्षा सुविधाहरू समावेश छन्।”
आईफोन १४ सेप्टेम्बर ७ मा लन्च गरिएको थियो। यो सेप्टेम्बर १६ देखि अमेरिका र अन्य देशका ग्राहकहरुको लागी उपलब्ध छ।
प्रकाशित: ११ आश्विन २०७९, मंगलवार
