काठमाडौं ।
मेटाले यसको स्ट्यान्डअलोन अर्थात स्वतन्त्ररुपमा काम गर्ने फेसबुक गेमिङ एप बन्द गर्ने भएको छ। कम्पनीले स्वत्नत्र रहेको गेमिङ एपका प्रयोगकर्ताहरूलाई सूचित गर्दै यो चाँडै नै उपलब्ध नहुने जानकारी दिएको छ।
एउटा इन-एप सूचनामा (सोशल मिडिया सल्लाहकार म्याट नभारा र अन्य प्रकाशनहरूले साझा गरेझैं), कम्पनीले घोषणा गर्दै एप्लिकेसनको आईओइस र एन्ड्रोइड संस्करणहरूले अक्टोबर २८ देखि काम गर्ने छैनन।
टाले प्रयोगकर्ताहरूलाई उनीहरूको सर्च डाटा डाउनलोड गर्ने मौका पनि दिइरहेको छ र फेसबुक गेमिङ पूर्ण रूपमा नहटने उनीहरूलाई सम्झाउँदै छ। यसका साथमा अब प्रयोगकर्ताहरूले आफ्ना मनपर्ने सिर्जनाकर्ताहरूको लाइभस्ट्रिमहरू हेर्नको लागि मुख्य फेसबुक एपको गेमिङ ट्याबमा जानुपर्नेछ।
Facebook is killing its Facebook Gaming app on 28 October 2022 pic.twitter.com/AeQjnSBkWV
— Matt Navarra (@MattNavarra) August 30, 2022
कम्पनीले ट्विच र युट्युबसँग राम्रो प्रतिस्पर्धा गर्नको लागि सन् २०२० मा समर्पित गेमिङ एप जारी गरेको थियो। मेटा (अझै पनि फेसबुक भनेर चिनिने) ले स्ट्रिमरहरूबाट सामग्री हाइलाइट गर्न र प्रयोगकर्ताहरूलाई ग्रुप च्याट र अन्य सामुदायिक सुविधाहरू प्रदान गर्न एप डिजाइन गरेको थियो।
यसले स्ट्यान्डअलोन एप किन बन्द गर्ने निर्णय गर्यो भन्ने कुरा भने बताएको छैन्। तर यो यसको लागत कटौती प्रयासहरूको एक हिस्सा हुन सक्छ जसलाई मार्क जुकरबर्गले भनेअनुसारको हालैको इतिहासमा सबैभन्दा खराब मन्दीलाई सहज बनाउन मद्दत गर्न मद्दत गर्नसक्ने बताईएको छ।
प्रकाशित: १६ भाद्र २०७९, बिहीबार
