काठमाडौं ।
पब्जी मोबाइल प्रो लिग (पीएमपीएल)साउथ एशिया ३० अगष्ट अर्थात भदौ १४ गतेदेखि शुरु हुने भएको छ। साउथका उत्कृष्ट पब्जी मोबाइल टिमहरु कुल २ करोड पुरस्कार राशीका लागि प्रतिस्पर्धा गर्नेछन्।
लिक्यूपिडियाका अनुसार पीएमपीएल साउथ एशियाको कुल पुरस्कार राशी १ लाख ५० हजार अमेरिकी डलर अर्थात १ करोड ९१ लाख २३ हजार रुपैयाँ राखिएको छ।
मंगलबारबाट शुरु हुने प्रतियोगिता २ अक्टोबरसम्म सञ्चालन हुनेछ। दक्षिण एशियाको सर्वाधिक ठूलो पुरस्कार राशीको पब्जी प्रतियोगिताको आयोजनकमा नडविन गेमिङ र क्राप्टन रहेका छन्।
यस प्रतियोगितमा कुल २० टिमको सहभागी छ। प्रतियोगिता लिग र फाइनल गरी दुई चरणमा खेलाइनेछ। लिग चरणमा उत्कृष्ट १६ स्थानमा रहने टिम फाइनलका लागि छनोट हुनेछन्।
लिग चरण ३० अगष्ट देखि २५ सेक्टेम्बरसम्म खेलिनेछ। २० टिमलाई ५ वटा समूहमा विभागजन गरिएको छ। एक दिनमा ६ खेल हुनेछ र सबै टिमले ५/५ खेल खेल्नेछन्। एक हप्तामा खेलिने २५ खेलबाट शीर्ष १२ स्थानमा पर्ने टिमले एउटा अतिरिक्त लिभिक खेल खेल्न पाउँनेछन्।
लिग चरणलाई ३ हप्तामा विभाजन गरिएको छ। ५ दिनको खेललाई एक हप्ता मानिनेछ। दुई दिन अर्को हप्ताको शुरुवातका लागि अफ हुनेछ।
लिग चरणबाट शीर्ष १६ भित्र रहने टिम फाइनका लागि छनोट हुनेछन्। फाइनल ३० सेक्टेम्बरदेखि २ अक्टोबरसम्म खेलाइनेछ। ३ दिनसम्म सञ्चालन हुने फाइनलमा प्रत्येक टिमले १८ खेल खेल्नेछन्।
यस प्रतियोगितामा पहिलो स्थान हासिल गर्ने टिमले उपाधीसँगै १० हजार अमेरिकी डलर प्राप्त गर्नेछ। दोस्रो हुने टिमले ६ हजार ५०० अमेरिकी डलर र तेस्रो हुने टिमले ४ हजार ५०० अमेरिकी डलर प्राप्त गर्नेछन्।
फाइनमा पुग्ने सबै टिमले अंक तालिकामा आधारमा पुरस्कार राशी प्राप्त गर्नेछन्।
यस प्रतियोगितको पूर्व विजेतको रुपमा स्टलवार्ट ईस्पोर्ट रहेको छ।
यी हुन् सहभागी टिम
प्रकाशित: १३ भाद्र २०७९, सोमबार
