काठमाडौं ।
सामाजिक मिडिया एप स्न्यापच्याटको मूल कम्पनी स्न्याप इंकको स्न्यापच्याट प्लस प्रिमियम सदस्यताको लागि १० लाख सदस्यहरू पुगेको बताएको छ।
कम्पनीले गएको जून महिनामा सेवालाई राजस्वको नयाँ स्रोतको रूपमा सुरू गरेको थियो।
स्न्याप, ट्विटर इंक र मेटा प्लेटफर्म इंक लगायतका सोशल मिडिया कम्पनीहरू, जसले डिजिटल विज्ञापनहरू बेचेर अधिकांश राजस्व कमाउँछन् । हाल रेकर्डस्तरको उच्च मुद्रास्फीतिको कारण ब्रान्डहरूले आफ्नो मार्केटिङ खर्चमा वृद्धि भएका कारण कमजोर विज्ञापन बजारको सामना गरिरहेको रोयटर्सले उल्लेख गरेको छ।
वाल स्ट्रीटले अपेक्षा गरेको भन्दा कमजोर विज्ञापन मागको कारणले गर्दा स्न्यापको शेयर दोस्रो त्रैमासिकको निराशाजनक आम्दानी पछि गत महिना २५ प्रतिशतले घटेको थियो।
प्रमुख कार्यकारी इभान स्पिगेलले कम्पनीले राजस्वको नयाँ स्रोतहरू मार्फत राजस्व वृद्धिलाई गति दिन काम गर्ने बताएका थिए।
स्न्यापच्याट प्लसका लागि संयुक्त राज्य अमेरिकामा प्रति महिना ३.९९ डलर शुल्क तोकिएको छ र यसले ११ विशेष सुविधाहरूमा पहुँच प्रदान गर्दछ जुन अझै सामान्य प्रयोगकर्ताहरूलाई उपलब्ध छैन।
सोमबार घोषणा गरिएका चार नयाँ सुविधाहरूमा नयाँ स्न्यापच्याट एप आइकन डिजाइनहरू र सब्सक्राइबरहरूको लागि उनीहरूको सन्देशहरू स्न्यापच्याटमा सेलिब्रेटीहरूमाझ अझ बढी देखिने क्षमता समावेश छ। यसका साथै स्न्यापच्याट प्लस सदस्यहरूले डेस्कटपहरूमा पनि स्न्यापच्याट प्रयोग गर्न सक्छन्।
सशुल्क सदस्यता सुविधा अब साउदी अरेबिया, भारत, इजिप्ट, डेनमार्क इजरालय, फ्रान्सलगायत अन्य देशहरूमा कुल २५ बजारहरूमा विस्तार भइरहेको स्न्यापले बताएको छ।
प्रकाशित: ३१ श्रावण २०७९, मंगलवार
