काठमाडौं ।
अर्बपति इलन मस्कले टेस्लाको अर्को ६.९ अर्ब डलरको शेयर बेचेका छन्।
टेस्लाका मालिक मस्कले विद्युतीय कार निर्माता कम्पनीको थप ७.९२ मिलियन शेयर बेचेको बीबीसीले जनाएको छ। जसको मूल्य करिब ६.८८ अर्ब अमेरिकी डलर पुग्नेछ।
शेयर बिक्रेता मस्कले आफूलाई ट्विटर किन्न ४४ अर्ब अमेरिकी डलर पैसा चाहिने समेत बताएका छन्।
शेयर बिक्रीको खबर सार्वजनिक भएपछि मस्कले ट्वीटमा भने,“हो, मैले टेस्लाको शेयर बेचेको र ट्विटर किन्न पैसाको सुरक्षित बाध्यात्मक भएको अवस्थामा बिक्रि गर्नुपरेको हो।”
गत महिना उनले यसलाई ट्विटर खरिद सम्झौताबाट बाहिरिने बताएपछि बहु–अर्बपति सोशल मिडिया प्लेटफर्मसँग कानुनी लडाईमा समेत फसेका छन्।
इन्डियाना युनिभर्सिटीको सामाजिक सञ्जालको अब्जर्भेटरीका एक अनुसन्धानकर्ताले बोटोमिटर, एक उपकरणद्वारा ट्विटरमा स्वचालित गतिविधि जाँच गर्न मद्दत गरेको थियो।
युएस सेक्युरिटीज एण्ड एक्सचेन्ज कमिशनमा छ ओटा फाइलिङका अनुसार पछिल्लो कारोबार ५, ८ र ९ अगस्टमा गरिएको थियो।
पछिल्लो समय ट्विटर खरिदको विषय अमेरिकी अदालतमा प्रवेश गरेको छ। जसमा ट्विटरले मस्कका विरुद्ध मुद्दा दायर गरेको छ भने मस्कले काउन्टर मुद्दा हालेका छन्।
प्रकाशित: २५ श्रावण २०७९, बुधबार
