आज विश्व यूएफओ दिवस: किन र कसरी मनाइन्छ! जान्नुहोस् पूरा इतिहास

काठमाडौं ।

तपाईंले यूएफओ को बारेमा बारम्बार सुन्नु र पढ्नुभएको हुनुपर्छ। यूएफओ भनेको ‘अनआईडेन्टिफाइड फ्लाइङ्ग अब्जेक्स्ट (Unidentified Flying Objects’) वा पहिचान नभएका उड्ने वस्तुहरु हो। यूएफओहरुलाई एलियन्ससंग जोडेर समेत हेरिन्छ। यस विषयमा परापूर्वकालदेखि चलचित्र बनेका छन् तर आजसम्म कसैले पनि यसको सत्यताबाट पर्दा उठाउन सकेका छैनन्।

तर पनि आजको दिन त्यस्ता अज्ञात उडान वस्तुहरूलाई समर्पित गरिन्छ। विश्व यूएफओ दिवस हरेक वर्ष जुलाई २ मा मनाइन्छ। हाम्रो पृथ्वी बाहेक संसारमा अन्य कुनै प्रजाति छन् भन्ने विश्वास गर्ने वा सरल भाषामा भन्नुपर्दा एलियनहरू छन् र आफ्नो अन्तरिक्ष यानमा पृथ्वीको परिक्रमा गर्न आउँछन् भन्ने विश्वास गर्नेहरूका लागि यो दिन विशेष रूपमा मनाइन्छ। यस दिन मानिसहरूले आकाशमा उडिरहेका अज्ञात वस्तुहरूलाई एकसाथ खोज्ने प्रयास गर्छन्।

यसअघि विश्व यूएफओ दिवसका लागि २ मितिहरू थिए। यो २ जुलाई र २४ जुनमा मनाइएको थियो। तर विश्व यूएफओ दिवस संगठनले यसका लागि जुलाई २ तारिख तोकेको छ। त्यसयता हरेक वर्ष जुलाई २ मा मात्रै मनाइन्छ।

विमान चालक केनेथ अर्नोल्डका अनुसार सन् १९०० को प्रारम्भमा जुन २४ मा वाशिंगटनको आकाशमा नौओटा अज्ञात उडान वस्तुहरू देखिएका थिए। त्यतिबेला ती एक प्लेटको आकारमा देखिएका थिए। त्यसबेलादेखि, एलियन्सको स्पेस क्राफ्टलाई त्यस्तै प्लेटको आकारमा प्रतिनिधित्व दर्शाउने गरिन्छ। र त्यसबेला देखि यो दिवस यूएफओजको बारेमा जागरूकता फैलाउनको लागी मनाइन्छ।

यो दिवस विश्वभरका देशका सरकारहरूले यूएफओहरु बारे थप जान्न प्रयास गरोस् भन्ने आशाका साथ पनि मनाइन्छ। अमेरिकी सरकारसँग पनि यूएफओसँग सम्बन्धित जानकारी रहेको बताइएको छ, जुन सैन्य विभागको सहयोगमा सङ्कलन गरिएको हो।

त्यसैले यो एक दिन एलियनहरूमा विश्वास गर्ने र विश्वास नगर्ने मानिसहरू एकसाथ आउँछन् र तिनीहरूको बारेमा आफ्नो विचार व्यक्त गर्छन्, ताकि तिनीहरूको अस्तित्व अझ गहिरो रूपमा अन्वेषण गर्न सकियोस। यस दिन मानिसहरु जम्मा भएर खुला आकाशमा उड्ने अपरिचित वस्तुहरु खोज्ने गर्दछन्।