एप्पल आईफोन १४ को लागि बीओईले थप ओएलईडी स्क्रिनहरू आपूर्ति गर्ने

काठमाडौं ।

विगतका वर्षहरूमा आईफोनमा सबैभन्दा महँगो कम्पोनेन्टहरू स्क्रिन, क्यामरा मोड्युल र प्रोसेसर भएको देखिन्छ। आईफोन १२/१३ पछि, अनुसन्धान फर्म ओम्डियाले एउटा अनुसन्धान रिपोर्टमा बताएअनुसार सामसङ, एलजी र बीओई आईफोन १४ श्रृंखलाका लागि लचिलो ओएलईडी प्यानलका तीन प्रमुख आपूर्तिकर्ता रहने अपेक्षा गरिएको छ।

यद्यपि, एप्पलले अझै पनि बीओईबाट ६.०६ इन्चको एलटीपीएस मात्र खरिद गर्छ। कम्पनीले यो डिस्प्ले आईफोन १४ मोडलका लागि मात्र प्रयोग गर्नेछ। दुबै ६.६८ इंच आईफोन १४ प्रो स्क्रिन र ६.१२ इंचको आईफोन १४ प्रो स्क्रिन विशेष रूपमा सामसंगबाट आउने गीगचाइनाले रिपोर्ट गरेको छ।

अनुसन्धान रिपोर्टले एप्पल आईफोन १४ प्रो/प्रो म्याक्सले डुअल पंच-होल डिस्प्ले प्रयोग गर्ने पनि पुष्टि गर्छ। एप्पलले पंच-होल डिस्प्ले प्रयोग गर्ने यो पहिलो पटक हुनेछ।

यद्यपि, यसको फेसआईडी कम्पोनेन्टको कारण, एप्पलले “एक्स्लामेसन मार्क स्क्रिन” लाई अपनाउनु परेको थियो। यो डिस्प्लेले पिल-आकारको पंच-होलका साथै सिंगल-पिन पंच-होल प्रयोग गर्दछ। एप्पलको सामान्य ढाँचालाई ध्यानमा राख्दै कम्पनीले यो डिस्प्ले आगामी केही वर्षसम्म कायम राख्नेछ।

यस वर्ष ढुवानी अनुपातको सन्दर्भमा, बीओईको स्क्रिन आपूर्ति अनुपात दोब्बरले बढेर १५ प्रतिशत भयो। एलजी डिस्प्लेको २५ प्रतिशत सेयर हिस्सा छ भने बाँकी ६०प्रतिशत सामसंगमा जान्छ।

एप्पल आईफोन १४ सिरिज रेन्डरहरू धेरै समयदेखि इन्टरनेटमार्फत प्रसारित भइरहेको छ। आईफोन १४ सिरिजमा चार मोडलहरू हुनेछन्। दुबै स्ट्याण्डर्ड संस्करणका साथै प्रो मोडेलहरूमा दुईवटा मोडेलहरू रहने बताईएको छ।