काठमाडौं ।
क्रिप्टोकरेन्सी बजारमा आएको गिरावटले लगानीकर्ताको चिन्ता बढाएको छ। यसैबीच, मिम सिक्का भनेर चिनिने शिबा इनु (SHIB) को बारेमा ठूलो भविष्यवाणी गरिएको छ। मूल्य तुलना गर्ने पोर्टल फाइन्डर डट कमका विशेषज्ञहरूको प्यानलले शिबा इनुको मृत्युको भविष्यवाणी गरेका छन्।
अधिकांश प्यानलिस्टहरू यस क्रिप्टोकरन्सीको मूल्य अन्ततः शून्यमा झर्ने धारणा राख्छन्। जसमध्ये ७३ प्रतिशत प्यानलले शिबा इनुलाई बेच्ने समय आएको बताएका छन्।
बिटक्वाइन डटकमद्वारा रिपोर्ट गरे अनुसार, फाइन्डर डट कम(Finder.com) ले गत हप्ता शिबा इनुको लागि यसको मूल्य अनुमान अपडेट गर्यो। कम्पनीका अनुसार अप्रिलमा ३६ फिनटेक विज्ञको प्यानलले सर्वेक्षण गरेको थियो। यसले उनीहरुलाई शिबा इनुले अर्को दशकमा कसरी प्रदर्शन गर्ने भनेर बुझ्न आग्रह गर्यो। फाइन्डरले टिप्पणी गरेका विषयहरू शिबा इनुका लागि राम्रो देखिदैनन्।
कम्पनीले रिपोर्ट गरेअनुसार सर्वेक्षणको समयमा शिबा इनुको मूल्य ०.०००००२०२९ डलर थियो र प्यानलले २०२२ को अन्त्यमा ७.६ प्रतिशतले ०.०००००१८७५० डलरमा झर्ने अपेक्षा गरेको थियो। यद्यपि, अहिले यो मुद्रा त्यसभन्दा पनि अझ कम मूल्य ०.००००११६३ मा कारोबार भइरहेको छ।
७० प्रतिशत प्यानलिस्टहरूले २०३० को अन्त्यसम्ममा शिबा इनुको कुनै मूल्य नहुने बताएका छन्। प्यानल विश्वास गर्छ कि यो टोकन को मूल्य गिरावट जारी रहनेछ। यसको मूल्य २०२५ को अन्त्य सम्म ०.००००००२५०० डलरमा र २०३० को अन्त्य सम्म ०.००००००३२५ मा हुनेछ।
प्यानलमा रहेका डिजिटलएक्स सम्पत्ति व्यवस्थापनका कोषका प्रमुख म्याथ्यू ह्यारीले क्रिप्टो बजार परिपक्व भएपछि शिबा इनु लगायतका बाँकी मिम सिक्काहरू बजारबाट पूर्ण रूपमा गायब हुने आशा गर्छन्। अर्का प्यानल विशेषज्ञ, डिमिट्रियोस सालाम्पासिसले पनि शिबा इनुको मूल्य अन्ततः बेकार हुने कुराको भविष्यवाणी गरे। यी ठट्टा-प्रकारका सिक्काहरू लोप हुनेछन् र वास्तविक नवीनता देखा पर्ने उनी भन्छन्।
रिपोर्टकाअनुसार प्यानलका ७३ प्रतिशत विशेषज्ञहरूले यो क्रिप्टोकरेन्सी बेच्न सल्लाह दिएका छन्। २३ प्रतिशतले अहिले होल्ड गर्नुपर्ने बताउँछन् भने ३ प्रतिशतले मात्र शिबा इनुलाई किन्नका लागि सिफारिस गर्छन् ।
विज्ञहरूले मिम क्रिप्टोकरेन्सीको मूल्यमा यो प्रभावको पछाडि धेरै कारण बताइरहेका छन्। ८२ प्रतिशतले मिम सिक्का हाइपले शिबा इनुको मूल्यमा सबैभन्दा ठूलो प्रभाव पार्ने बताए। यस बाहेक, शिबासवाप (Shibaswap) को सुरुवात, शिबा इनु टोकनहरूलाई कम गरेर यसको मूल्यलाई असर गर्ने कारकहरू हुन्।
स्मरणरहोस् नेपालमा क्रिप्टोकरेन्सीको कारोबार गैरकानूनी रहेको छ।
प्रकाशित: ८ जेष्ठ २०७९, आईतवार
