काठमाडौं ।
टेस्लाले इन्डोनेसियामा ब्याट्री र इलेक्ट्रिक भेहिकल कारखाना निर्माण गर्न सहमत भएको छ। इन्डोनेसियाका लगानी मन्त्री बहलिल लाहदलियाका अनुसार मस्कले इन्डोनेसियाका राष्ट्रपतिसँग भेट गरेपछि यो लगानी गर्न सहमत भएको हो।
गत हप्ता अटोमेकर र इन्डोनेसियाली सरकारका प्रतिनिधिहरूसँगको नयाँ चरणको वार्तापछि टेस्ला इन्डोनेसियामा ब्याट्री उद्यमको लागि सम्झौताको नजिक रहेको अफवाहहरुको रिपोर्ट आएका थिए।
यसअघि २०२० मा टेस्लालाई इन्डोनेसियाको सरकारसँग देशमा नयाँ निकल उद्यम निर्माण गर्न वार्ता गरिरहेको बताईएको थियो। विद्युतीय सवारी साधनमा हुने निकल ब्याट्री सेलहरूको लागि क्याथोड उत्पादनमा प्रयोग हुने मुख्य सामग्रीहरू मध्ये एक हो। सीईओ एलोन मस्कले उत्खनन कम्पनीहरूलाई आफ्नो निकल उत्पादन बढाउन आग्रह गरेपछि यो कदम आयो।
यस महिनाको सुरुमा टेस्लाले सरकारसँग वार्ता गर्न एक समूह इन्डोनेसिया पठाएपछि र एलन मस्कले राष्ट्रपति जोको “जोकोवी” विडोडोसँग भेट गरेपछि नयाँ कदम चालिएको बताईएको छ।
“ईश्वरले चाहानुहुन्छ, टेस्ला यस वर्ष इन्डोनेसियामा प्रवेश गर्नेछन्,” बहलिलले जकार्तामा भने, तर म अझै महिना घोषणा गर्न सक्दिन। पर्खौं किनभने हामीले अहिलेसम्म सम्झौतामा हस्ताक्षर गरेका छैनौं।”
लगानी मन्त्रीकाअनुसार टेस्लाले इन्डोनेसियामा आफ्नो नयाँ ईभी कारखानाको लागि मध्य जाभा प्रान्तमा औद्योगिक परिसरलाई हेरिरहेको स्थानीय मिडिया बेनार न्यूजले रिपोर्ट गरेको छ।
प्रकाशित: ८ जेष्ठ २०७९, आईतवार
