काठमाडौं ।
भारतीय अनलाइन भुक्तानी कम्पनी भारतपेको सबैभन्दा ठूलो सेयरहोल्डर सेक्विया क्यापिटलले आइतबार जानजान दूराचार र ठगी विरुद्ध कडा अडान लिने बताएको छ।
सेक्वियाले कम्पनी र यसका कर्मचारीहरूको हितको रक्षा गर्ने काम गर्न नहिचकिचाउने र यसले कम्पनीलाई आर्थिक रूपमा मूल्य चुकाउनुपरे पनि फरक नपर्ने बताएको भारतीय मिडियाहरुले जनाएका छन्।
सेक्वियाको कथन भारतपेको हालैको विवाद पछि आएको छ जसमा कम्पनीका सह-संस्थापक अश्नीर ग्रोवरकी पत्नी माधुरी जैनलाई कम्पनीको कोषको दुरुपयोग गरेको आरोप लगाइएको थियो र ग्रोवरले आफ्नो पदबाट राजीनामा दिनुपरेको थियो। तर सेक्वियाले आफ्नो बयानमा भारतपेको सीधा नाम लिएको छैन्।
भारतपेले पसल मालिकहरूलाई क्यूआर कोडहरू मार्फत ग्राहकहरूबाट भुक्तानीहरू सङ्कलन गर्न अनुमति दिन्छ।
सधैं कठिन समयमा संस्थापकहरूसँग
भारतपे बाहेक, सेक्वियाको वानएमजीसहित बाइजू, क्याफे कफी डे र ग्रोफेर्स सम्मका कम्पनीहरूमा लगानी छ। सेक्वियाको पोर्टफोलियोमा आठ कम्पनीहरु गत वर्ष सार्वजनिक भए।
“हामी सामान्यतया कठिन समयमा हाम्रा संस्थापकहरूसँग काँधमा काँध मिलाएर उभिन्छौं, तर कहिलेकाहीँ हामी धेरै निराश महसुस गर्छौं,” सेक्वियाले भनेको छ।
“हाम्रो सबैभन्दा खराब दिनहरू ती हुन् जब हामी पोर्टफोलियोहरूमा अखण्डता र नैतिकताको उल्लङ्घनको बारेमा सुन्छौं। यो कुराले हामीलाई सबैभन्दा बढी दुख दिन्छ। हामी ठूला कम्पनीहरू सिर्जना गर्न चाहन्छौं जुन मूल्यवान मात्र होइन दिगो पनि होस र यो तब मात्र हुन सक्छ जब मूल्यहरू सही हुन्छन् र शासन बलियो हुन्छ,” कम्पनीले भनेको छ।
प्रकाशित: ६ बैशाख २०७९, मंगलवार
