काठमाडौं ।
रूसी अधिकारीहरूले शनिबार अमेरिकी भिडियो होस्टिंग सेवा यूट्यूबलाई संसदको तल्लो सदनको च्यानल ब्लक गरेको आरोप लगाए र त्यसको प्रतिक्रिया दिने बताए।
डुमा प्रमुख व्याचेस्लाभ भोलोडिनले वाशिंगटनले “रूसीहरूको अधिकार” को उल्लङ्घन गरिरहेको बताएका छन्। त्यस्तै रुसी विदेश मन्त्रालयका प्रवक्ता मारिया जाखारोभाले भनिन् “युट्युबले आफ्नो भाग्य सील गरेको छ।”
भोलोडिनले टेलिग्राममा भने, “संयुक्त राज्य अमेरिका सूचनाको प्रसारमा एकाधिकार राख्न चाहन्छ, हामी यसलाई अनुमति दिन सक्दैनौं।”
डूमा टिभीको १ लाख ४५ हजारभन्दा बढी सदस्यहरू
मस्कोका अनुसार, डूमा टिभीको १ लाख ४५ हजार भन्दा बढी सदस्यहरू छन्। यसले संसदीय बहस र रूसी सांसदहरूको अन्तर्वार्ताको क्लिपहरू प्रसारण गर्दछ।
समाचार एजेन्सी एएफपीकाअनुसार यसका पत्रकारहरूले साइट पहुँचयोग्य नभएको पुष्टि गरेका छन्।
बिहीबार, रुसको स्टेट कम्युनिकेशन वाचडगले अमेरिकी इन्टरनेट दिग्गज गुगललाई देशमा आफ्ना सेवाहरूमा विज्ञापन गर्न प्रतिबन्ध लगाउने बताएको छ। वाचडगले युक्रेनमा रूसी सैन्य अपरेशनको बारेमा “नक्कली समाचार” फैलाएको युट्युबलाई आरोप लगायो।
रुसले गुगललाई प्रतिबन्ध लगाउन सक्ने
रूसले गैर-राज्य मिडिया र सूचना स्रोतहरूमा पहुँच रोक्न जारी राखेको छ, र गुगल प्रतिबन्धको लागि अर्को लाइनमा हुन सक्छ भन्ने डर बढ्दै गएको छ।
वाचडगले गुगलको स्वामित्वमा रहेको युट्युबले रुसी कानूनको “बहु उल्लङ्घन” गरेको र “युक्रेनमा विशेष सैन्य कारबाहीका क्रममा रसियाको सशस्त्र सेनालाई बदनाम गर्दै झुटा समाचारहरू वितरण गर्ने प्रमुख प्लेटफर्महरू मध्ये एक भएको बताएको छ।”
वाचडगले गुगल एलएलसी र यसका सूचना स्रोतहरूबाट विज्ञापनको वितरणमा प्रतिबन्ध लगाउने कानून समावेश गर्नेसहितका “जबरदस्ती उपायहरू” पेश गर्ने निर्णय गरेको बताएको छ।
प्रकाशित: २७ चैत्र २०७८, आईतवार
