काठमाडौं ।
कान्तिपुर टेलिभिजनको आधिकारीक ट्विटर एकाउन्ट ह्याक भएको छ।
पछिल्लो दिनमा धेरै नेपाली प्रयोगकर्ताहरुको सामाजिक संजाल एकाउन्ट ह्याक भईरहेको बेलामा कान्तिपुर टिभीको आओरकेटिभी यूजर नेम भएको ट्विटर एकाउन्ट ह्याक भएको हो ।
सो एकाउन्ट आज बुधबार बेलुकी नै ह्याक भएको टिभीका समाचार सम्पादक दिलभुषण पाठकले जानकारी दिएका छन्।
उनले ट्वीट गरेर एकाउन्ट नियन्त्रण बाहिर गएको बताएका छन्।
कान्तिपुर टेलिभिजनको @ourktv ट्वीटर अकाउन्ट आज साँझबाट हाम्रो नियन्त्रण बाहिर गएको छ। हाल अकाउन्टबाट असान्दर्भिक पोस्टहरू भइरहेकोमा यसबारे अध्ययन भैरहेको छ र ट्वीटर सपोर्टसँग आवश्यक समन्वय गरिरहेका छौ । हामीलाई follow गर्नेहरूको जानकारीका लागि यो सूचना प्रकाशित गरिएको छ । धन्यवाद
— Dil Bhusan Pathak???????? (@DilBhusanPathak) April 6, 2022
ह्याकरले सो एकाउन्टमा अहिले अन्य जानकारीहरुसहितका अनावश्यक सूचनाहरु राखेको छ भने कान्तिपुर टिभीको लोगो र नाम हटाएर डट मात्रै राखेको देखिन्छ।
ह्याकरले एजुकी भन्ने एकाउन्टलाई रिट्वीट गर्दै एनएफटीको प्रचार गरेको जस्तै देखिन्छ।
सो एकाउन्टमा २ लाख ८७ हजार भन्दा धेरैले फलो गरेको देखिन्छ।
प्रकाशित: २३ चैत्र २०७८, बुधबार
