काठमाडौं ।
चालु आर्थिक वर्ष २०८३/८४ को पहिलो महिना साउन मसान्तसम्म ९ करोड रुपैयाँभन्दा बढीको राउटर आयात भएको छ। भन्सार विभागले हालै सार्वजनिक गरेको वैदेशिक व्यापारको तथ्याङ्क अनुसार ९ करोड १८ लाख १३ हजार रुपैयाँ बराबरको राउटर आयात भएको छ।
उक्त अवधिसम्म माथि उल्लिखित रकम बराबरको २६ हजार ९३४ थान राउटर आयात भएको विवरणमा उल्लेख छ।
यो आयातबाट सरकारले १ करोड ७२ लाख २५ हजार रुपैयाँ राजस्व संकलन गरेको छ।
भन्सार विभागको तथ्याङ्क अनुसार यो अवधिमा पनि छिमेकी चीन, भारत र भियतनाम गरी ३ मुलुकबाट राउटर आयात भएको छ।
यो अवधिमा सबैभन्दा बढी चीनबाट ९ करोड ५ लाख ६४ हजार रुपैयाँ बराबरको २६ हजार ८९० थान राउटर आयात भएको छ।
यसैगरी, भारतबाट ७ हजार बराबरको ९ थान, भियतनामबाट १२ लाख ४२ हजार बराबरको ३५ थान राउटर आएको छ।
यस्तो छ विवरण
| क्र.सं. | देश | विवरण | रकम (हजारमा) |
| १ | चीन | २६८९० | ९०५६४ |
| २ | भियतनाम | ३५ | १२४२ |
| ३ | भारत | ९ | ७ |
प्रकाशित: ९ भाद्र २०८३, मंगलवार
