काठमाडौं ।
हिम इलेक्ट्रोनिक्सद्वारा सञ्चालित सामसङ प्लाजाले काठमाडौंको कालिमाटीमा आफ्नो १६औं शोरुम उद्घाटन गरेको छ। सामसङ प्लाजाले आफ्नो खुद्रा बिक्री सञ्जाललाई थप विस्तार गर्दै यस क्षेत्रका ग्राहकहरूलाई सक्कली सामसङ उत्पादनहरू अझ नजिकबाट उपलब्ध गराएको हो।
शोरुममा सामसङका नवीनतम स्मार्टफोन, टेलिभिजन, घरायसी उपकरण तथा अन्य इलेक्ट्रोनिक उत्पादनहरूसहित सक्कली सामसङ उत्पादनहरूको विस्तृत श्रृंखला उपलब्ध रहेको छ।
कम्पनीका अनुसार ग्राहकहरूले विशेष उद्घाटन अफर, आधुनिक किनमेल अनुभव तथा तालिमप्राप्त कर्मचारीहरूबाट व्यावसायिक परामर्शसमेत प्राप्त गर्न सक्नेछन्।
कालिमाटी शोरुमको उद्घाटनले नवीन प्रविधि, गुणस्तरीय उत्पादन र भरपर्दो ग्राहक सेवालाई नेपालभरिका उपभोक्तामाझ अझ सहज रूपमा पुर्याउने सामसङ प्लाजाको निरन्तर प्रतिबद्धतालाई प्रतिबिम्बित गर्ने कम्पनीको बुझाई छ।
प्रकाशित: २० श्रावण २०८३, बुधबार
