काठमाडौं ।
एप्पलले आफ्नो म्यूजिक स्ट्रिमिङ प्लेटफर्म, एप्पल म्युजिकको सदस्यता मूल्य बढाएको छ। नयाँ मूल्यहरू अमेरिका, बेलायत, युरोप र भारत सहित धेरै अन्य देशहरूमा लागू भएका छन्।
कम्पनीले बढ्दो संगीत इजाजतपत्र लागतलाई मूल्यवृद्धि कारणको रूपमा उल्लेख गरेको छ।
यसअघि, एप्पलले हालै म्याक र आईप्याडको लागि एप्पलकेयर प्लस योजनाहरूको मूल्यहरू पनि परिमार्जन गरेको थियो।
अब सबै प्रमुख एप्पल म्युजिक योजनाहरू महँगो भएका छन्।
अमेरिकामा, एप्पल म्युजिकको व्यक्तिगत योजना अब प्रति महिना ११.९९ डलर भएको छ। पारिवारिक योजनाको मूल्य १६.९९ डलरबाट बढेर १९.९९ डलर भएको छ। विद्यार्थी योजना पनि अब ५.९९ डलरको सट्टा ६.९९ डलर प्रति महिनामा उपलब्ध हुनेछ।
यसका साथै, अमेरिकामा एप्पल वन फेमिली र प्रिमियर योजनाहरूको मूल्य पनि बढाइएको छ, जबकि व्यक्तिगत एप्पल वन योजनाको मूल्यमा कुनै परिवर्तन भएको छैन।
यस्तै भारतीय बजारमा पनि प्रयोगकर्ताहरूले अब व्यक्तिगत योजनाको लागि प्रति महिना भारु १३९ तिर्नु पर्ने भएको छ। सँगसँगै पारिवारिक योजना र विद्यार्थी योजनाको पनि प्रति महिना मूल्य बढाईएको छ।
अक्टोबर २०२२ पछि विश्वव्यापी रूपमा एप्पल म्युजिकको यो पहिलो मूल्य वृद्धि हो।
प्रकाशित: ६ श्रावण २०८३, बुधबार
