काठमाडौं ।
१७ वर्षीय हाई स्कूलका एक विद्यार्थीले रेटिनल तस्बिरहरू प्रयोग गरेर अटिजम र एडीएचडीको स्क्रिन गर्न मद्दत गर्ने एआई उपकरण बनाएका छन्।
बर्गेन काउन्टी एकेडेमीका एडवर्ड काङले उक्त रेटिनामाइन्ड सिर्जना गरेको टेलीग्राफले रिपोर्ट गरेको छ।
यो प्रणालीले मस्तिष्क विकाससँग सम्बन्धित रेटिनामा रहेका साना ढाँचाहरूको खोज गर्दछ।
स्मिथसोनियन पत्रिकाका अनुसार, मानिसहरूलाई आफैंले देख्न धेरै गाह्रो हुने आँखाका भागहरूको अध्ययन गरेर उनले ८९ प्रतिशत सटिकता शुद्धता हासिल गरेको बताइएको छ।
काङको परियोजनाले २०२६ को रिजेनेरोन साइन्स ट्यालेन्ट सर्चमा दोस्रो स्थान र १ लाख ७५ हजार अमेरिकी डलर पुरस्कार जित्न सफल भएको छ।
विज्ञहरू उपकरणलाई वास्तविक क्लिनिकहरूमा प्रयोग गर्न सक्नु अघि थप अनुसन्धान आवश्यक रहेको बताएका छन्।
यसले प्रामाणिकता पाएको खण्डमा यो प्रणालीले न्यूरोडेभलपमेन्टल अवस्थाहरूको लागि छिटो र कम आक्रामक स्क्रीनिङ तर्फ संकेत गर्न सक्ने उल्लेख गरिएको छ।
प्रकाशित: २५ असार २०८३, बिहीबार
