काठमाडौं ।
कमकास्टको स्वामित्वमा रहेको स्काईले १.६ बिलियन पाउन्ड स्टर्लिङको सम्झौतामा आईटीभीको मिडिया र मनोरञ्जन विभागहरू अधिग्रहण गर्ने भएको छ। आईटीभीको प्रसारण च्यानलहरू र आईटीभीएक्स स्ट्रिमिङ सेवा फ्री–टु–एयर रहनेछन्।
गत वर्षको नोभेम्बरमा वार्ता सुरु भएको र दुई कम्पनीहरूले सम्झौतामा सहमति जनाएका थिए। स्काईले आईटीभीलाई १.२ बिलियन पाउन्ड स्टर्लिङ नगद तिर्ने र लभ प्रोडक्सनलाई स्थानान्तरण गर्ने (द ग्रेट ब्रिटिश बेक अफ बनाउने गर्दछ) बताइएको छ।
त्यसैगरी, स्काईले २०२८ मा आईटीभीलाई २०० मिलियन पाउन्ड स्टर्लिङ तिर्नेछ भने यो विज्ञापन राजस्व लक्ष्यहरू पूरा गर्नमा निर्भर रहेको जीएसएमएरिनाले रिपोर्ट गरेको छ।
यो अधिग्रहणमा आईटीभीको स्टुडियो शाखा समावेश नहुने बताइएको छ। तर, यो सम्झौताको अंशको रूपमा स्काईले ५ वर्षको अवधिमा आईटीभी स्टुडियोबाट सामग्रीमा २.१ बिलियन पाउन्ड स्टर्लिङ खर्च गर्नेछ।
आईटीभी बेलायतको सबैभन्दा ठूलो व्यावसायिक प्रसारक हो र कम्पनीले ४ करोड (४० मिलियन) साप्ताहिक दर्शकहरू र १६.५ मिलियन मासिक डिजिटल प्रयोगकर्ताहरू समेट्छ। स्काईको संख्यामा थपिएपछि, संयुक्त मिडिया कम्पनीले बेलायतको घर–घरमा भिविङको लगभग २० प्रतिशत हिस्सा ओगट्नेछ।
गत वर्ष, युट्युब बेलायतको दोस्रो सबैभन्दा धेरै हेरिने मिडिया सेवा बन्न सफल भएको थियो। जेन अल्फाले यूट्युब हेर्ने गरेको र यो केवल युवाहरू मात्र नभएर ५५ वर्षभन्दा माथिका मानिसहरूले पनि केही वर्ष अघि भन्दा दोब्बर युट्युब हेर्ने गरेको बीबीसीले रिपोर्ट गरेको छ।
यो कदमसँगै, संयुक्त स्काई+आईटीभी दर्शकहरूले युट्युबलाई पछाडि पार्दै दोस्रो स्थान ओगट्ने (बीबीसी शीर्षमा छ) छ। साथै युट्युबले परम्परागत मिडिया कम्पनीहरूलाई डरामा परेको उल्लेख गरिएको छ।
“बेलायतको मिडिया बजार द्रुत गतिमा परिवर्तन भइरहेको छ। दर्शकहरू आकर्षित गर्नको लागि प्रतिस्पर्धा तीव्र हुँदै गएको अवस्थामा, विश्वव्यापी स्ट्रिमिङ सेवाहरू र युट्युबसँग प्रतिस्पर्धा गर्न पहिलेभन्दा बढी मापदण्डहरूका साथ ठूलो हुनु अझ महत्त्वपूर्ण छ” प्रेस विज्ञप्तिमा उल्लेख गरिएको छ।
प्रकाशित: २४ असार २०८३, बुधबार
