काठमाडौं ।
गर्मीबाट मानिसहरू मात्र पीडित नभएर अब ल्यापटप, फोन र अन्य डिभाइसहरू पनि अत्यधिक तात्ने समस्याबाट ग्रस्त भइरहेका छन्।
प्रयोगकर्ताले आफ्ना डिभाइसहरूलाई गर्मीबाट कसरी जोगाउन सकिन्छ भन्ने बारे टेलिग्राफले रिपोर्ट गरेको छ।
डिभाइसहरूलाई घामबाट टाढा रहनुहोस्ः
सबैभन्दा सरल उपाय भनेको डिभाइसहरूलाई सूर्यको प्रत्यक्ष प्रकाश भन्दा पनि छायामा राख्नुपर्दछ। डिभाइसहरूलाई टेबलमा राख्दा÷छोड्दा वा बाहिर हुँदा प्रयोग गर्दा आफ्नो फोन आफूसँगै बोक्न नहुँने उल्लेख गरिएको छ। केही मिनेटको प्रत्यक्ष सूर्यको प्रकाशले पनि फोनलाई अत्यधिक तातो बनाउन सक्छ।
आफ्ना डिभाइसहरू फ्रिजरमा नराख्नुहोस्ः
फोन वा ल्यापटपहरूलाई फ्रिजमा राख्दा प्रत्यक्ष सूर्यको प्रकाशले जत्तिकै क्षति पुर्याउन सक्ने भएकाले डिभाइसहरूलाई फ्रिजमा राख्नु राम्रो विचार नभएको उल्लेख गरिएको छ।
रेफ्रिजरेटर र फ्रिजरहरूले थर्मल सक (झट्का) सिर्जना गर्न सक्छ र डिभाइसलाई पनि नष्ट गर्न सक्छ भने ब्याट्रीहरूको लागि उच्च जोखिम पनि निम्त्याउने उल्लेख गरिएको छ। रेफ्रिजरेटर र फ्रिजरहरू ह्युमिड हुने भएकाले डिभाइसहरूमा पानी चुहिन सक्छ।
आफ्नो कोठा ताजा राख्नुहोस्ः
आफू र आफ्नो डिभाइसहरूलाई चिसो राख्नको लागि प्रयोगकर्ताले पंखा वा एयर कन्डिसनर प्रयोग गर्न सक्नेछन् भने प्रत्यक्ष घामबाट बच्नका लागि झ्यालहरूमा पर्दाहरु प्रायोग गर्न सकिनेछ। आफूलाई चिसो महसुस गराउने सबै सामान्य चीजहरूले प्रयोगकर्ताको कम्प्युटर र फोनहरूलाई चिसो बनाउन मद्दत गर्नेछ।
ऊर्जाको प्रयोगमा सावधान रहनुहोस्ः
उच्च गर्मीको समयमा आफ्नो फोन वा ल्यापटपलाई धेरै कार्य भार नदिन आग्रह गरिएको छ। स्ट्रिमिङ, गेमिङ र एआई सबैले डिभाइसहरूलाई कडा कार्य भार निम्त्याउन सक्ने भएकाले त्यसले बढी गर्मी उत्पन्न गर्नेछ। साथै चार्जिङ र डिभाइसले प्रयोग गर्ने प्रकाशको मात्राले पनि डिभाइस तताउन भूमिका खेल्न सक्ने उल्लेख गरिएको छ। त्यसैले सामान्य सल्लाह भनेको प्रयोगकर्ताले आफ्नो डिभाइसमा वास्तवमा के गरिरहेको छु भन्ने बारेमा सचेत हुनुपर्नेछ।
एप फङ्गसन्यालिटी सीमित गर्न ब्याट्री बचत मोड पनि सक्षम गर्न सकिनेछ। प्रयोगकर्ताले डिभाइसबाट छोटो ब्रेक लिने र छोटो क्षणको लागि ब्याट्री बन्द गर्नाले पनि डिभाइसलाई चिसो बनाउन मद्दत पुग्नेछ।
कभरहरू हटाउनुहोस्ः
मानिसहरू जस्तै तपाईंका डिभाइसहरूले पनि कम तहहरूबाट लाभ उठाउन सक्छन्। केसहरू, कभरहरू, र अन्य सामानहरूले हावा प्रवाहलाई रोक्न सक्ने भएकाले उक्त कभर हटाउनाले डिभाइसहरुलाई चिसो बनाउन मद्दत पुग्नेछ।
प्रकाशित: १६ असार २०८३, मंगलवार
