काठमाडौं ।
सामसङले २०२७ को सुरुमा ग्यालेक्सी एस२७ सिरिज अनावरण गर्ने अपेक्षा गरिएको छ र लाइनअपले नयाँ प्रो मोडेल प्रस्तुत गर्ने अफवाहहरूले सुझाव दिएका छन्।
ग्यालेक्सी एस२७ प्रो मा ६.४७ इन्चको डिस्प्ले रहेको बताइएको छ र अब एक नयाँ लीकले डिभाइसले हाल ग्यालेक्सी एस२६ अल्ट्राको लागि विशेष सुविधा पनि प्राप्त गर्न सक्ने दावी गरेको छ।
टिपस्टर डिजिटल च्याट स्टेशनले वेइबोमार्फत सामसङले हाल ग्यालेक्सी एस२७ प्रोको लागि हार्डवेय लेभल प्राइभेसी स्क्रिन सुविधाको परीक्षण गरिरहेको दावी गरेको जीएसएमएरिनाले रिपोर्ट गरेको छ।
ग्यालेक्सी एस२६ अल्ट्रा प्राइभेसी डिस्प्ले सुविधा प्रस्तुत गर्ने सामसङको पहिलो स्मार्टफोन हो र यो सुविधाले अन–स्क्रिन कन्टेन्टलाई छेउछाउका मानिसका नदेखून् भन्ने सुनिश्चित गर्न मद्दत गर्ने छ।
हालैका अफवाहहरूले ग्यालेक्सी एस२७ प्रो मा ६.४७ इन्चको डिस्प्ले र ५,०००एमएएच ब्याट्री हुने सुझाव दिएका छन्। यो डिभाइसले ग्यालेक्सी एस२७ अल्ट्राको जस्तै ट्रिपल रियर क्यामरा सेटअप प्रदान गर्ने उल्लेख गरिएको भए तापनि फरक टेलिफोटो सेन्सर प्रयोग गर्न सक्ने बताइएको छ।
प्रकाशित: ९ असार २०८३, मंगलवार
