वेयर ओएस ७ अब योग्य पिक्सेल वाचको लागि उपलब्ध

काठमाडौं ।

स्टेबल एन्ड्रोइड १७ रिलीजका साथै गुगलले वेयर ओएस ७ लाई उपयुक्त पिक्सेल वाच मोडेलहरूमा पनि रोल आउट गर्न सुरु गरेको छ। यो अपडेटले धेरै नयाँ सुविधाहरू र प्रणाली सुधारहरू प्रस्तुत गर्दछ भने गुगलले राम्रो ब्याट्री लाइफ प्रदान गर्ने दावी पनि गरेको छ।

वेयर ओएस ७ अपडेट हाल पिक्सेल वाच २, पिक्सेल वाच ३ र पछिल्लो पिक्सेल वाच ४ मा रोल आउट भइरहेको छ।

गुगलले एक आधिकारिक ब्लग पोस्टमार्फत वेयर ओएस ७ मा समावेश गरिएका नयाँ सुविधाहरू र सुधारहरूको विस्तृत विवरण प्रदान गरेको छ। कम्पनीले वेयर ओएस ६ को तुलनामा यो अपडेटले ब्याट्री जीवनमा १० प्रतिशत सम्म सुधार गर्न सक्ने दावी गरेको छ।

त्यसैगरी अपडेटले प्रस्तुत गरेको लाइभ अपडेट्सले समर्थित एप्सबाट रियल–टाइम इनफर्मेसन (वास्तविक–समयमा जानकारी) सिधै प्रयोगकर्ताको नाडीमा देखाउनेछ। थप रूपमा, वेयर ओएस ७ ले प्रयोगकर्ताहरूलाई तिनीहरूका सबै कनेक्ट गरिएका डिभाइसहरूमा मिडिया प्लेब्याक नियन्त्रण गर्न दिनेछ।

गुगलले वेयर ओएस ७ ले आफ्नो आगामी एन्ड्रोइड एक्सआर–पावर्ड स्मार्ट ग्लासेसलाई समर्थन गर्ने पुष्टि गरेको छ। सामसङसँगको साझेदारीमा विकसित गरिएको उक्त ग्लासेसलाई प्रयोगकर्ताहरूले आफ्नो स्मार्टवाचबाट सिधै नियन्त्रण गर्न अनुमति दिनेछ।

त्यसैगरी गत महिना घोषणा गरिएका जेमिनी इन्टेलिजेन्स सुविधाहरू यो वर्षको उत्तरार्धमा चुनिएका पिक्सेल वाच मोडेलहरूमा आउनेछन्।