काठमाडौं ।
मोटोरोलाले गत अप्रिलको उत्तरार्धमा मोटो जी८७ लन्च गर्दे मे महिनामा मात्र रलीज गरेको थियो। कम्पनीले अब ब्राजिलमा मोटो जी म्याक्सको रुपमा फेरि लन्च गरिएको छ। मोटो जी म्याक्स ब्राजिलमा मोटोरोलाको ब्राजिलियन अनलाइन स्टोरमा २,५१९.१० ब्राजिलियन रियल (४८८ अमेरिकी डलर) मूल्यमा उपलब्ध हुने बताइएको छ।
मोटो जी म्याक्समा १.५के रिजोल्युसन, १२०हर्ज रिफ्रेस रेट, ५,०००–निट पीक ब्राइटनेस र गोरिल्ला ग्लास ७आई भएको ६.८ इन्चको एएमओएलईडी स्क्रिन रहेको छ। यो स्मार्टफोनमा मिडियाटेक डाइमेन्सिटी ६४०० एसओसी, ८जीबी र्याम र २५६जीबी स्टोरेज समावेश गरिएको छ।
मोटो जी म्याक्सको पछाडिको भागमा एफ/१.८ एपर्चर र ओआईएस भएको २०० मेगापिक्सेलको मुख्य क्यामरा र ८ मेगापिक्सेलको अल्ट्रावाइड क्यामरा रहेको छ भने सेल्फीका लागि ३२ मेगापिक्सेलको स्न्यापर समावेश गरिएको छ। स्मार्टफोनमा ३३वाट फास्ट वायर्ड चार्जिङको लागि समर्थन सहितको ५,२०० एमएएच ब्याट्री रहेको छ।
मोटो जी म्याक्समा डल्बी एटमस समर्थन सहितको स्टेरियो स्पिकरहरू, धुलो र पानी प्रतिरोधको लागि आईपी६६/आईपी६८/आईपी६९ रेटिङहरू र एमआइएल–एसटीडी–८१०एच मानकको पनि पालना गरेको छ। डिभायसले इन–डिस्प्ले फिङ्गरप्रिन्ट सेन्सर प्याक गर्दछ भने एन्ड्रोइड १६ चलाउँछ। स्मार्टफोनमाको मापन १६४.५८ × ७७.३७ × ७.३८ एमएम र तौल १८३ ग्राम रहेका छ।
मोटोरोलाले मोटो जी म्याक्स नामलाई अन्य बजारहरूमा पनि ल्याउने योजना बनाएको छ वा जी८७ ब्रान्डिङ अन्यत्र प्रयोग गरेर ब्राजिलमा मात्र मोटो जी म्याक्स नामलाई कायम राख्नेछ भन्ने कुरा स्पष्ट छैन। एउटै ह्यान्डसेटलाई किन दुई फरक नाम दिइएको हो भन्ने बारेमा स्पष्ट रूपमा भन्न नसकिने तर यो उद्योगमा नियमित अभ्यास भएको जीएसएमएरिनाले रिपोर्ट गरेको छ।
प्रकाशित: २ असार २०८३, मंगलवार
