काठमाडौं ।
गुगलले आफ्नो नयाँ लाइभ ट्रान्सलेसन मोडेल, “जेमिनी ३.५ लाइभ ट्रान्सलेट” प्रस्तुत गरेको छ। कम्पनीले यो मोडेललाई क्रस–लिङ्गुअल कम्युनिकेसनमा क्रान्तिको रूपमा वर्णन गरेको छ।
नयाँ मोडेलले युक्रेनी र रूसी सहित ७० भन्दा बढी भाषाहरूलाई समर्थन गर्ने बताइएको छ र विश्वव्यापी सञ्चारमा यसको प्रयोगलाई उल्लेखनीय रूपमा विस्तार गरिएको टेलीग्राफले रिपोर्ट गरेको छ।
परम्परागत ट्रान्सलेसन सिस्टम (अनुवाद प्रणालीहरू) भन्दा फरक रुपमा नयाँ प्रविधिले वक्ताले वाक्य समाप्त गर्न नपर्खने उल्लेख गरिएको छ। साथै लगभग वास्तविक समयमा अनुवाद गरिने भएकाले कुराकानी अझ प्राकृतिक र तरल बन्ने उल्लेख गरिएको छ।
गुगलका अनुसार, प्रणाली कोलाहलपूर्ण वातावरणमा पनि सञ्चालन गर्न सक्षम हुनुका साथै धेरै भाषाहरूमा एकैसाथ प्रयोग हुने कुराकानीहरूलाई समर्थन गर्दै विभिन्न व्यावहारिक परिस्थितिहरूमा लचिलोपन बढाउनेछ।
कम्पनीले यो विकासलाई भाषा अवरोधहरू हटाउन र वास्तविक समयमा विश्वव्यापी सञ्चार सुधार गर्ने दिशामा महत्त्वपूर्ण कदमको रूपमा हेरेको छ।
प्रकाशित: १ असार २०८३, सोमबार
