ह्वावेको नन्–फोल्डिङ वाइड–स्क्रिन फोनको बारेमा नयाँ विवरणहरू बाहिरियो

काठमाडौं ।

यो वर्षको सुरुमा आएको एउटा हल्लाले ह्वावेले पुरा एक्स जस्तै डिजाइनमा १६ः९ वा १६ः१० डिस्प्ले भएको क्यान्डीबार स्मार्टफोनमा काम गरिरहेको दाबी गरेको थियो। नयाँ लीकले अब कथित डिभाइसको बारेमा थप जानकारीको बारेमा खुलासा गरेको छ।

अहिले सम्पादित वेइबो पोस्टमा, टिपस्टर डिजिटल च्याट स्टेशनले ह्वावेको आगामी वाइड–स्क्रिन, नन– फोल्डिङ स्मार्टफोनको प्रमुख स्पेसिफिकेसनहरू साझा गरेको छ।

लीकका अनुसार, डिभाइसमा किरिन ९–रिज चिपसेट र ७,०००एमएएच वा सोभन्दा बढी क्षमताको ब्याट्री समावेश गर्न सक्ने उल्लेख गरिएको छ।

त्यसैगरी ह्यान्डसेटमा १/१.३–इन्च सेन्सर भएको ५० मेगापिक्सेलको प्राथमिक क्यामरा, ५० मेगापिक्सेलको पेरिस्कोप टेलिफोटो क्यामरा र मल्टीस्पेक्ट्रल सेन्सर हुने बताइएको छ।

ह्वावेले वर्षको चौथो त्रैमासिकमा अक्टोबर र डिसेम्बरको बीचमा स्मार्टफोन अनावरण गर्ने अपेक्षा गरिएको जीएसएमएरिनाले रिपोर्ट गरेको छ।