काठमाडौं ।
ह्वावेले १० हजार एमएएचभन्दा ठूलो ब्याट्री भएको स्मार्टफोन तयार गरिरहेको बताइएको छ। टिप्स्टर डिजिटल च्याट स्टेशनका अनुसार कम्पनीले “१० हजार एमएएच” क्षमता भएको ब्याट्री विकास गरेको छ।
यसको वास्तविक क्षमता अझै खुलाइएको छैन। तर स्रोतका अनुसार कम्पनीले नयाँ ब्याट्री सामग्री र प्रणाली विकास गरेको छ, जसले उद्योगकै सबैभन्दा ठूलो ब्याट्री क्षमता भएको फोन उत्पादन गर्न सम्भव बनाउनेछ।
टेलिग्राफका अनुसार हाल ह्वावे नोभा १५ म्याक्स र ह्वावे इन्जोय ९० प्रो म्याक्स मोडल ह्वावेका सबैभन्दा ठूलो ब्याट्री भएका फोन हुन्। यी दुवैमा ८,५०० एमएएच ब्याट्री रहेको छ र ४० वाट वायर्ड चार्जिङ समर्थन गर्छन्।
यो “नयाँ ब्याट्री सामग्री” वास्तवमा के हो भन्ने स्पष्ट छैन। तर इनजोय ९० प्रो म्याक्समा सिलिकन–कार्बन प्रविधि प्रयोग गरिएको जानकारी छ, जुन अहिले १० हजार एमएएच ब्याट्री भएका फोनमा प्रयोग भइरहेको प्रविधि हो।
अनर, भिभो र रियलमी जस्ता ब्रान्डले १० हजार एमएएच ब्याट्री भएका फोन बजारमा ल्याइसकेका छन्। अब ह्वावे पनि चाँडै यो विशेष समूहमा सामेल हुने अपेक्षा गरिएको छ।
प्रकाशित: १ जेष्ठ २०८३, शुक्रबार
