एसईईको नतिजा प्रकाशनमा स्प्यारोको डेढ दशकदेखिको सहकार्यमा निरन्तरता

काठमाडौं ।

राष्ट्रिय परीक्षा बोर्डले शैक्षिक सत्र २०८२-८३ को माध्यमिक शिक्षा परीक्षा एसईईको नतिजा छोटो समयमै सार्वजनिक गर्ने तयारी गरिरहँदा स्प्यारो एसएमएस (जानकी टेक्नोलोजी प्रा. लि.) ले यस वर्ष पनि
विद्यार्थीहरूको मोबाइलमै नतिजा उपलब्ध गराउने आफ्नो लामो समयदेखिको आधिकारिक साझेदारीलाई निरन्तरता दिने घोषणा गरेको छ।

राष्ट्रिय परीक्षा बोर्डले परीक्षा सकिएको एक महिनाभित्रै नतिजा सार्वजनिक गर्ने लक्ष्य राखेकाले ५ लाखभन्दा बढी विद्यार्थी र उनीहरूका अभिभावकहरूले वेबसाइट डाउन हुने समस्या बिना नै ३५००१ सर्टकोडमार्फत आफ्नो नतिजा तुरुन्तै हेर्न सक्ने गरी उच्च क्षमताको प्राविधिक पूर्वाधार तयार पारिएको छ।

डिजिटल सशक्तीकरणको १६ वर्ष (सन् २०१० – २०२६ )

कम्पनीको दावी अनुसार नेपालमा नतिजा हेर्ने शैलीलाई सन् २०१० मा स्प्यारो एसएमएसले पूर्ण रूपमा परिवर्तन गरिदिएको थियो। विगत १६ वर्षदेखि एक ‘क्याम्पस स्टार्टअप’ बाट सुरु भएको यो यात्रा आज नेपालको राष्ट्रिय डिजिटल पूर्वाधारको एक महत्त्वपूर्ण हिस्सा बनेको छ।

कुनै समय नतिजाका लागि गोरखापत्र कुर्नुपर्ने वा टाढाका साइबर क्याफेमा धाउनुपर्ने बाध्यतालाई अन्त्य गर्दै, स्प्यारोले इन्टरनेट बिना नै सामान्य मोबाइलबाट नतिजा हेर्न सक्ने सेवा प्रदान गर्दै आएको छ।

स्प्यारो एसएमएसका प्रमुख कार्यकारी अधिकृत मनोज थापा भन्छन्, “विगत १६ वर्षदेखि हाम्रो उद्देश्य एउटै छ – विद्यार्थीहरूको जीवनकै एक तनावपूर्ण दिनमा उनीहरूलाई सहजता प्रदान गर्नु। ३५००१ सर्टकोडमार्फत हामी यो सुनिश्चित गछौं कि चाहे विद्यार्थी काठमाडौँको मुटुमा हुन् वा हिमालका दुर्गम गाउँमा, उनीहरूको भविष्य केवल एक सन्देशको दूरीमा छ।”

एसएमएसमार्फत एसईई २०८३ को नतिजा हेर्ने तरिका

तजा सार्वजनिक भएपछि विद्यार्थी र अभिभावकहरूले जीपीएसहितको नतिजा प्राप्त गर्नका लागि आफ्नो मोबाइलको मेसेज बक्समा गई निम्न अनुसार मेसेज पठाउन सक्नेछन्

१. मोबाइलको मेसेज एप खोल्ने।
२. SEE [आफ्नो सिम्बोल नम्बर ] टाइप गर्ने।
३. यसलाई ३५००१ मा पठाउने।

(उदाहरणका लागि: SEE 12345678A टाइप गरी ३५००१ मा पठाउने)