काठमाडौं ।
एफसीसीले अमेरिकी बजारको लागि चिनियाँ प्रयोगशालाहरूमा सबै इलेक्ट्रोनिक डिभाइसहरूको परीक्षणमा प्रतिबन्ध लगाउने निर्णय लिएको छ।
अमेरिकी बजारको लागि तोकिएको डिभाइसले रेडियो उत्सर्जन र नेटवर्क अनुकूलता जस्ता कुराहरू नियन्त्रणमा छन् भनी सुनिश्चित गर्ने निश्चित एफसीसी प्रमाणपत्रहरू पास गर्नुपर्ने प्रावधान छ।
त्यसको धेरैजस्तो कामहरु चिनियाँ प्रयोगशालाहरूमा सम्बन्धित निर्माताहरूको अनुसन्धान र विकास केन्द्रहरूमा गरिन्छ भने एफसीसीका अनुसार सबै अमेरिकी डिभाइसहरूको लगभग ७५ प्रतिशत चिनियाँ प्रयोगशालाहरूबाट परीक्षण परिणामहरूमा निर्भर गर्ने जीएसएमएरिनाले रिपोर्ट गरेको छ।
अमेरिकाले केही समयदेखि चीनलाई सुरक्षामा खतराको रुपमा हेर्दै आएको हुनाले यो कदम केहीको लागि आश्चर्यजनक नहुन सक्छ। एफसीसीले पहिले नै प्रतिबन्धको निर्णय गरिसकेको हुनाले उद्योग र उपभोक्ताहरूद्वारा सार्वजनिक टिप्पणीहरूको ३० देखि ६० दिनको अवधि पछ्याइने बताइएको छ। त्यसैगरी एफसीसीलाई प्रतिबन्धमा परिवर्तन गर्न पनि अनुमति दिइएको छ।
त्यसैगरी एफसीसीले म्यूचल रिकगनिसन एग्रिमेण्ट (पारस्परिक मान्यता सम्झौता) नभएको सबै देशहरूमा अमेरिकी डिभाइसहरूको परीक्षणमा प्रतिबन्ध लगाउने थप अर्को छुट्टै प्रस्ताव गरेको छ र त्यसले देशहरूलाई एकअर्काको परीक्षण प्रयोगशालाहरूको नतिजा पहिचान गर्न अनुमति दिने छ। साथै चीन र अमेरिकाबीच भने म्यूचुअल रिकग्निसन एग्रिमेण्ट (एमआरए) नभएको उल्लेख गरिएको छ।
यदि प्रस्ताव स्वीकृत भएमा पनि त्यसले पहिले नै प्रमाणित भइसकेका डिभाइसहरूलाई असर गर्ने सम्भावना छैन। पुनः प्रमाणित गर्नु अघि डिभाइसहरूलाई अमेरिकी बजारमा दुई वर्षको लागि अनुमति दिइनेछ।
यसको अर्थ पुराना आईफोनहरू, पिक्सेलहरू र ग्यालेक्सी डिभाइसहरूलाई पुनः प्रमाणीकरण आवश्यक पर्ने सम्भावना नभएको र तिनीहरू केवल शेल्फबाट हटाइने उल्लेख गरिएको छ।
प्रकाशित: २४ बैशाख २०८३, बिहीबार
