काठमाडौं ।
जापानी बहुराष्ट्रिय कम्पनी सफ्टब्याङ्कले डाटा सेन्टर निर्माण गर्ने रोबोटिक्स कम्पनी स्थापना गर्ने तयारी गरिरहेको छ। यसले पहिले नै करिब १०० अर्ब डलरको आईपीओ लक्षित गरेको बताइएको छ।
प्रविधि कम्पनीहरू स्वचालन (अटोमेशन) को विस्तारलाई अघि बढाउन आवश्यक पूर्वाधार निर्माणमा प्रतिस्पर्धा गरिरहेका छन्। यसै क्रममा SoftBank ले उक्त पूर्वाधार निर्माण प्रक्रियालाई स्वचालित बनाउन नयाँ कम्पनी स्थापना गर्ने योजना बनाएको बताइएको छ।
फाइनान्सियल टाइम्सका अनुसार सफ्टब्उयाङ्कले रोज एआई नामक नयाँ व्यवसाय सुरु गर्ने तयारी गरिरहेको छ। द वाल स्ट्रीट जर्नलका अनुसार रोजले अमेरिकामा डाटा सेन्टर निर्माणलाई अझ “प्रभावकारी” बनाउने लक्ष्य राख्नेछ। यसका लागि अन्य उपायसँगै स्वचालित रोबोट प्रयोग गरेर सर्भर फार्म निर्माणमा सहयोग गर्ने योजना छ।
जर्नलका अनुसार रोचक पक्ष के छ भने समूहले रोजलाई आईपीओका लागि पनि तयारी गरिरहेको छ र केही कार्यकारीहरूले सन् २०२६ को दोस्रो भागसम्म आईपीओ गर्ने चाहना राखेका छन्। यसको सम्भावित मूल्याङ्कन करिब १०० अर्ब डलर हुन सक्ने फाइनान्सियल टाइम्सले जनाएको छ।
हालका अन्य पहलहरूले पनि औद्योगिक क्षेत्रलाई अझ प्रभावकारी बनाउन एआई र स्वचालन प्रयोग गर्ने अवधारणा अघि सारेका छन्। उदाहरणका लागि जेफ बेजोसले प्रोजेक्ट प्रमिथस नामक स्टार्टअप सह-स्थापना गरेका छन्, जसले ठूला औद्योगिक क्षेत्रका कम्पनीहरू किनेर एआई प्रयोगमार्फत आधुनिकीकरण गर्ने योजना बनाएको टेकक्रञ्चले उल्लेख गरेको छ।
सफ्टब्याङ्कले यसअघि पनि केही जोखिमपूर्ण स्टार्टअपहरूमा लगानी गरेको छ (जसमा एआई आधारित पिज्जा डेलिभरी स्टार्टअप ज्युममा सयौं मिलियन डलर लगानी गरिएको थियो, जुन सन् २०२३ मा बन्द भयो)।फाइनान्सियल टाइम्सका अनुसार सफ्टब्याङ्कभित्रका केही व्यक्तिहरूले “मूल्याङ्कन र प्रस्तावित आईपीओ समयरेखा” प्रति शंका व्यक्त गरेका छन्।
प्रकाशित: १८ बैशाख २०८३, शुक्रबार
