स्मार्टफोनहरूमा अब प्रयोगकर्ताले बदल्न मिल्ने ब्याट्रीहरू हुनुपर्ने

काठमाडौं ।

यूरोपेली संघले युरोपेली बजारमा स्मार्टफोनहरू उत्पादन गर्ने तरिका परिवर्तन गर्ने नियमहरूको नयाँ सेटलाई अनुमोदन गरेको छ।

२०२५ को जुन देखि २०२७ को फेब्रुअरी सम्म बिस्तारै लागू हुने नयाँ नियमहरू डिभाइसहरूको स्थायित्व र मर्मतयोग्यतामा केन्द्रित रहने टेलिग्राफले रिपोर्ट गरेको छ।

कम्पनीहरूलाई धेरै वर्षसम्म स्पेयर पार्ट्स  उपलब्ध राख्न बाध्य पारिनुका साथै मर्मतलाई स्वतन्त्र मर्मत पसलहरूमा सीमित नगर्न बाध्य पारिने उल्लेख गरिएको छ।

त्यसैगरी २०२७ सम्ममा प्रयोगकर्ताहरूले घरमै ब्याट्रीलाई आधारभूत उपकरणहरूको साथ आफैंले बदल्न सक्ने तवरले फोनहरू डिजाइन गरिनुपर्ने थप उल्लेख गरिएको छ।

डिभाइसहरूको आयु बढाउनु र इलेक्ट्रोनिक फोहोरको मात्रा घटाउनु यो कदमको मुख्य लक्ष्य हो।

यी उपायहरूले भविष्यमा निर्माताहरूले फोन डिजाइन गर्ने तरिकामा उल्लेखनीय प्रभाव पार्ने अपेक्षा गरिएको छ।