नौ महिनामा ३७ करोड रुपैयाँमाथिको विद्युतीय चुलो आयात

काठमाडौं ।

चालु आर्थिक वर्ष २०८२/८३ को नवौं महिना चैत्र मसान्तसम्म नेपालमा ३७ करोड १९ लाख ९० हजार रुपैयाँ बराबरका विद्युतीय चुलोहरु आयात भएका छन्।

भन्सार विभागले हालै सार्वजनिक गरेको उक्त अवधिसम्मको वैदेशिक व्यापारसम्बन्धी तथ्याङ्कअनुसार नेपालले विश्वका विभिन्न २४ देशहरुबाट उक्त मूल्य बराबरका १ लाख ८४ हजार २० थान यस्ता विद्युतीय चुलोहरु आयात गरेको हो।

यी परिमाणमा विद्युतीय चुलोहरु आयातवापत् सरकारले ५ करोड २९ लाख १३ हजार रुपैयाँ राजश्व आम्दानी गरेको छ।

यसरी आयात भएका विद्युतीय चुलोहरुलाई इण्डक्शन, इन्फ्रारेड र अन्य विद्युतीय चुलोमा वर्गीकरण गरिएको छ।

यीमध्ये सबैभन्दा धेरै चीनबाट ३० करोड २३ लाख २४ हजार बराबरको १ लाख ४६ हजार ५७ थान तथा भारतबाट ६ करोड १८ लाख बराबरको ९४ हजार बराबरको ३४ हजार ६७३ थान चुलो आएको छ।

यीबाहेक कतारबाट ७६ हजार बराबरको ६७ थान, यूएईबाट १ लाख ४७ हजार बराबरको १०५ थान, बंगलादेशबाट ६० लाख ५१ हजार बराबरको ३ हजार थान, मलेसियाबाट ७ लाख ३६ हजार बराबरको ४८ थान तथा साउदी अरेबियाबाट ७ हजार बराबरको ६ थान तथा अमेरिकाबाट २ हजार बराबरको १ थान विद्युतीय चुलो आएको पाइएको छ।

यस्तो छ तथ्याङ्क

इण्डक्शन चुलो

इन्फ्रारेड चुलो

अन्य विद्युतीय चुलो